India vs Bangladesh: बांगलादेशविरुद्धच्या दुसऱ्या वनडेत त्याची एक चूक टीम इंडियाला चांगलीच महागात पडली. रोहित शर्माच्या अनुपस्थितीत भारतीय संघ व्यवस्थापनाने विराट कोहलीला बांगलादेशविरुद्धच्या दुसऱ्या एकदिवसीय सामन्यात सलामीला पाठवले आणि तो केवळ 5 धावा करुन बाद झाला.

दरम्यान, विराट कोहलीला सलामीला आणणे ही टीम इंडियाची सर्वात मोठी चूक ठरली. टीम इंडियाचा कर्णधार रोहित शर्मा दुसऱ्या वनडे दरम्यान दुखापतीमुळे सामन्यातून बाहेर पडला, त्यानंतर 'हिटमॅन'च्या जागी विराट कोहलीला सलामीसाठी मैदानात उतरवण्यात आले होते.

विराट कोहलीला सलामी द्यावी लागली

भारतीय संघ व्यवस्थापनाकडे केएल राहुललाही सलामीला घेण्याचा पर्याय होता, पण चांगल्या सुरुवातीच्या आशेने टीम इंडियाने विराट कोहलीला शिखर धवनसह सलामीला पाठवले. विराट कोहलीला सलामी मिळाल्यावर टीम इंडियाला नफ्याऐवजी तोटा सहन करावा लागला. टीम इंडियाला पहिला धक्का विराट कोहलीच्या रुपाने 7 धावांवर बसला. विराट कोहली 5 धावा करुन बाद झाला. बांगलादेशचा वेगवान गोलंदाज इबादत हुसेनने कोहलीला बोल्ड करुन पॅव्हेलियनचा रस्ता दाखवला.

या चुकीमुळे टीम इंडियाचे मोठे नुकसान झाले

वास्तविक, विराट वनडे आणि टी-20 आंतरराष्ट्रीय क्रिकेटमध्ये टीम इंडियासाठी तिसऱ्या क्रमांकावर फलंदाजी करतो. विराट कोहलीला त्याच्या फलंदाजीच्या क्रमाशी छेडछाड अजिबात सहन होत नाही. अशा स्थितीत जेव्हा भारतीय संघ व्यवस्थापनाने कोहलीला तिसऱ्या क्रमांकावरुन उचलून सलामीला फलंदाजीसाठी पाठवले तेव्हा विराटची लय बिघडली. जेव्हा कोहलीच्या फलंदाजीच्या क्रमाशी छेडछाड करण्यात आली, तेव्हा या गोष्टीमुळे विराटचे लक्ष खेळावरुन हटले. याच कारणामुळे टीम इंडियाला चांगली सुरुवातही करता आली नाही.

रोहित शर्माच्या हातातून रक्तस्त्राव सुरु झाला

रोहित शर्माबद्दल सांगायचे झाल्यास, दुसऱ्या वनडेत कॅच घेताना तो जखमी झाला. डाव्या हाताच्या अंगठ्याला दुखापत झाल्याने रोहित शर्माला स्कॅनसाठी रुग्णालयात नेण्यात आले. दुसऱ्या स्लिपमध्ये क्षेत्ररक्षण करताना मोहम्मद सिराजच्या डावातील दुसऱ्या षटकातील चौथ्या चेंडूवर रोहित शर्माने अनामूल हकचा झेल सोडला. यादरम्यान त्याच्या डाव्या हातातून रक्तस्त्राव सुरु झाला. बीसीसीआयचे वैद्यकीय पथक त्याची तपासणी करत आहेत.