WPL 2023: बीसीसीआयचे सचिव जय शाह यांनी वुमन प्रीमियर लीगच्या 'शक्ती' या मॉस्कॉटचे अनावरण केले. एएनआयने आपल्या ट्विटर हँडलवर एक व्हिडिओ शेअर केला आहे. वुमन प्रीमियर लीगच्या पहिला हंगामाला  4 मार्चपासून सुरुवात होणार आहे. नवी मुंबईतील डीवाय पाटील स्टेडियमवर गुजरात जायंट्स आणि मुंबई इंडियन्स यांच्यात सलामीचा सामना खेळला जाणार आहे.

डब्ल्यूपीएलच्या पहिल्या हंगामात मुंबई इंडियन्स, दिल्ली कॅपिटल्स, गुजरात जायंट्स, रॉयल चॅलेंजर्स बेंगलोर आणि युपी वॉरियर्स हे पाच संघ खेळणार आहेत. दरम्यान या हंगामाला 4 मार्चपासून सुरूवात होणार आहे.

डब्ल्यूपीएलमध्ये 23 दिवसात एकूण 22 सामने खेळवण्यात येणार आहेत. यातील 20 सामने साखळी फेरीत पार पडतील. तर एक एलिमिनेटर आणि अंतिम सामना असे प्लेऑफचे 2 सामने असतील. गे सर्व सामने मुंबईतील डीवाय पाटील स्टेडियम आणि ब्रेबॉर्न स्टेडियमवर मिळून पार पडणार आहेत. दोन्ही स्टेडियमवर प्रत्येकी 11 सामने खेळवले जाणार आहेत.

तसेच एकूण 4 डबल हेडर (एका दिवशी दोन सामने) पार पडणार आहेत. डबल हेडरच्या दिवशी पहिला सामना दुपारी 3.30 वाजता सुरू होईल. तसेच दुसरा सामना 7.30 वाजता सुरू होईल.

डब्ल्यूपीएलच्या पहिल्या हंगामात मुंबई इंडियन्स, दिल्ली कॅपिटल्स, गुजरात जायंट्स, रॉयल चॅलेंजर्स बेंगलोर आणि युपी वॉरियर्स हे पाच संघ खेळणार आहेत. या हंगामाला 4 मार्चपासून सुरूवात होणार आहे.

स्मृती मानधना ही महिला प्रीमियर लीग लिलावात विकली जाणारी पहिली खेळाडू ठरली आहे. तिला रॉयल चॅलेंजर्स बंगलोरला 3.4 कोटी रुपयांना विकले गेले आहे. ती केवळ पहिलीच खेळाडू नाही तर उद्घाटन डब्ल्यूपीएल लिलावात ती सर्वात महागडी खेळाडू देखील ठरली आहे.