पणजीः टोकियोतील ऑलिंपिक (Tokyo Olympic) क्रीडा स्पर्धेनिमित्त गोवा क्रीडा प्राधिकरणाची (Sports Authority of Goa) ऑलिंपिक स्पर्धेवर आधारित ऑनलाईन प्रश्नमंजुषा (Online Quiz) स्पर्धा सुरू झाली आहे. गुरुवारी (ता. २२) सुरू झालेली प्रश्नमंजुषा स्पर्धा 30 जुलैपर्यंत चालेल. टोकियोत शुक्रवारपासून (ता. २३) सुरू होणाऱ्या ऑलिंपिक स्पर्धेची युवक व लोकांत जागृती करण्याच्या उद्देशाने हा उपक्रम राबविण्यात आला आहे.

प्रश्नमंजुषा स्पर्धेत 20 प्रश्न असतील. सहभागींसाठी वयोमर्यादा नाही, तसेच शुल्क आकारले जाणार नाही. पन्नास टक्क्यांहून जास्त गुण नोंदविणाऱ्यांना ई-मेलद्वारे ई-प्रमाणपत्र पाठविण्यात येईल. https://forms.gle/6hQaHY9irQp6qkqC8 या लिंकवरून स्पर्धेत भाग घेता येईल. टोकियो ऑलिंपिकनिमित्त गोवा क्रीडा प्राधिकरणातर्फे भारतीय खेळाडूंना खास शैलीत पाठिंबा देणारी ध्वनीफितही तयार करण्यात आली आहे.