आयसीसी विश्वचषकात (ICC Women World Cup) सहभागी होणारा भारतीय महिला क्रिकेट संघ न्यूझीलंडला जाण्यापूर्वी रविवारपासून मुंबईत एक आठवडा क्वारंटाईनंमध्ये राहणार आहे. संघ नुकताच डेहराडूनमध्ये (Dehradun) परस्पर समन्वयासाठी एकत्र आला आहे. युवा खेळाडूंना नेतृत्व कौशल्य विकसित करण्याचे कामही यावेळी देण्यात आले आहे.

दरम्यान, पंधरा सदस्यीय संघ आणि तीन राखीव खेळाडूंना मुंबईत येण्यास सांगितले असून जिथे ते आठवडाभर क्वारंटाइनमध्ये (Quarantine) राहतील. त्यानंतर 24 जानेवारी रोजी टीम इंडियाचा (Team India) संघ न्यूझीलंडला (New Zealand) रवाना होणार आहे.

तसेच, भारतीय संघ मार्च-एप्रिलमध्ये एकदिवसीय विश्वचषकापूर्वी 11 फेब्रुवारीपासून यजमान न्यूझीलंडविरुद्ध पाच सामन्यांची एकदिवसीय मालिका आणि एक टी-20 सामना खेळणार आहे. टीम मॅनेजमेंटला रवाना होण्यापूर्वी आठवडाभर सराव शिबीर घ्यायचे होते परंतु देशात कोरोनाची वाढती रुग्ण संख्या पाहता ते होऊ शकले नाही.

शिवाय, भारत 2017 एकदिवसीय विश्वचषक स्पर्धेच्या अंतिम फेरीत पोहोचला होता. मिताली राजच्या नेतृत्वाखालील विश्वचषक संघातून शिखा पांडे, जेमिमा रॉड्रिग्स आणि पूनम राऊत यांना वगळण्यात आल्यानंतर वाद सुरु झाला.