Team India: भारताचा स्टार फलंदाज सूर्यकुमार यादव ताज्या ICC T20 क्रमवारीत दुसऱ्या क्रमांकावर कायम आहे. सूर्यकुमार यादव टी-20 विश्वचषकातील दुसरा सर्वोत्तम फलंदाज म्हणून मैदानात उतरणार आहे. पाकिस्तानचा सलामीवीर मोहम्मद रिझवान (861 रेटिंग गुण) याने न्यूझीलंडमधील तिरंगी मालिकेदरम्यान आपल्या दमदार कामगिरीच्या जोरावर प्रथम क्रमांकावर आपली आघाडी मजबूत केली आहे.

सूर्यकुमार यादवसाठी आनंदाची बातमी

रविवारी एमसीजी येथे भारत (India) आणि पाकिस्तान यांच्यातील सामन्यापूर्वी सूर्यकुमार (838 धावा) दुसऱ्या स्थानावर कायम राहिला. केएल राहुल (13), विराट कोहली (Virat Kohli) (15) आणि कर्णधार रोहित शर्मा (16) यांनीही ताज्या अपडेटमध्ये आपले स्थान कायम ठेवले आहे. पाकिस्तानचा कर्णधार बाबर आझम (Babar Azam) दक्षिण आफ्रिकेचा एडन मार्कराम आणि न्यूझीलंडचा डेव्हॉन कॉनवे यांच्यानंतर तिसऱ्या स्थानावर आहे.

मोठ्या फलंदाजांना मागे टाकले

अव्वल 10 मधील एकमेव बदल न्यूझीलंडच्या ग्लेन फिलिप्सच्या क्रमवारीत आला आहे. बांगलादेश आणि पाकिस्तान विरुद्धच्या तिरंगी मालिकेत आपल्या शानदार कामगिरीच्या जोरावर फिलिप्सने 13 अंकानी झेप घेतली. तो आता 10 व्या स्थानावर पोहोचला आहे. दुसरीकडे, हार्दिक पंड्या 173 रेटिंग गुणांसह अष्टपैलू खेळाडूंच्या क्रमवारीत सहाव्या स्थानावर आहे.

शाकिब अल हसन अव्वल अष्टपैलू खेळाडू

बांगलादेशचा कर्णधार शकीब अल हसन हा अव्वल अष्टपैलू खेळाडू म्हणून T20 विश्वचषकात सहभागी होणार आहे. शाकिब अल हसनने अफगाणिस्तानच्या मोहम्मद नबीला अव्वल स्थानावरुन हटवले आहे. न्यूझीलंड आणि पाकिस्तानविरुद्धच्या तिरंगी मालिकेतील उत्कृष्ट कामगिरीच्या जोरावर शाकिबने अव्वल स्थान पटकावले आहे.