Team India Squad For T20 World Cup 2022: टीम इंडियाच्या चाहत्यांसाठी एक मोठी आनंदाची बातमी समोर आली आहे. भारताचा एक वेगवान गोलंदाज टी-20 विश्वचषक 2022 साठी ऑस्ट्रेलियाला रवाना झाला आहे. टूर्नामेंट सुरु होण्याच्या अवघ्या काही दिवस आधी टीम इंडियासाठी एक आनंदाची बातमी आहे. सोशल मीडियावर फोटो शेअर करुन या खेळाडूने चाहत्यांना ऑस्ट्रेलियाला रवाना झाल्याची माहिती दिली. हा खेळाडू गेल्या विश्वचषकातही संघाचा भाग होता.

हा खेळाडू ऑस्ट्रेलियाला रवाना झाला

T20 विश्वचषक (T20 World Cup) 2022 पूर्वी, भारताचा स्टार गोलंदाज मोहम्मद शमीने NCA (National Cricket Academy) मधील फिटनेस चाचणी उत्तीर्ण केली आहे. दक्षिण आफ्रिका मालिकेपूर्वी मोहम्मद शमीला कोरोनाची लागण झाली होती, मात्र आता तो ऑस्ट्रेलियाला रवाना झाला आहे. फोटो शेअर करत मोहम्मद शमीने कॅप्शनमध्ये लिहिले की, 'आता टी-20 वर्ल्ड कपसाठी निघण्याची वेळ आली आहे.'

2021 च्या T20 विश्वचषकातही संधी मिळाली

मोहम्मद शमी (Mohammed Shami) गेल्या वर्षी टी-20 विश्वचषकात संघाचा भाग होता. मात्र या टी-20 विश्वचषकात त्याची कामगिरी अत्यंत खराब झाली होती. मोहम्मद शमीने गेल्या वर्षी टी-20 विश्वचषकात नामिबियाविरुद्ध शेवटचा टी-20 सामना खेळला होता. मोहम्मद शमी 2021 च्या टी-20 विश्वचषकापासून टी-20 संघाबाहेर होता. शमीने गेल्या एका वर्षात टीम इंडियासाठी एकही टी-20 सामना खेळलेला नाही. मात्र त्याने आयपीएल 2022 (IPL 2022) मध्ये चमकदार कामगिरी केली आहे.

T20 विश्वचषकासाठी टीम इंडिया

रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, दीपक हुडा, आर पंत (विकेटकीपर), दिनेश कार्तिक (विकेटकीपर), हार्दिक पंड्या, आर अश्विन, वाय चहल, अक्षर पटेल, भुवनेश्वर कुमार, हर्षल पटेल अर्शदीप सिंग.

स्टँडबाय खेळाडू- मोहम्मद शमी, श्रेयस अय्यर, रवी बिश्नोई