आशिया चषकाच्या (Asia Cup 2022) अंतिम सामन्यापूर्वी श्रीलंका (Srilanka) संघाने पाकिस्तान (Pakistan) क्रिकेट संघाला चांगलाच धडा शिकवला आहे. शुक्रवारी झालेल्या सुपर फोर फेरीतील सामन्यात श्रीलंकेने पाकिस्तानवर पाच गडी राखून विजय मिळवला आहे. पाकिस्तान संघाने सर्वबाद 121 धावा केल्या, श्रीलंकेने पाच गड्यांच्या बदल्यात 17 षटकांतच हे आव्हान पूर्ण केले. दोन्ही संघात रविवारी (दि.11) आशिया चषकाचा अंतिम सामना खेळला जाईल.

पाकिस्तान संघाने प्रथम फंलदाजी करत सर्वबाद 121 धावा केल्या, पाकिस्तान संघाने वीस षटके देखील पूर्ण खेळली नाहीत. त्यांचा सर्व संघ 19.1 षटकात बाद झाला. 122 धावांचा पाठलाग करण्यासाठी मैदानात उतरलेला श्रीलंका संधाने 17 षटकांत आव्हान पूर्ण करत पाकिस्तानला आस्मान दाखवले. श्रीलंकेकडून निसांकाने सर्वाधिक 55 धावा केल्या.

आशिया चषकाचा अंतिम सामना देखील श्रीलंका आणि पाकिस्तान यांच्यात होणार. दोन्ही संघ तुल्यबळ असल्याने, आशिया चषक कोण जिंकणार हे पाहणं महत्वाचे ठरणार आहे. दरम्यान, पाकिस्तानला फायनलूर्वी हार मिळाल्याने संघाला चांगलाच झटका बसला आहे.