South Africa vs India, 2nd ODI at Gqeberha, Playing XI:

भारतीय क्रिकेट संघ सध्या दक्षिण आफ्रिका दौऱ्यावर आहे. या दौऱ्यातील वनडे मालिका सध्या सुरू आहे. या मालिकेतील दुसरा सामना गेकेबेरामधील सेंट जॉर्ज पार्क स्टेडियमवर खेळला जात आहे. या सामन्यात दक्षिण आफ्रिकेचा कर्णधार एडेन मार्करमने नाणेफेक जिंकली असून प्रथम गोलंदाजी करण्याचा निर्णय घेतला आहे.

या सामन्यासाठी दोन्ही संघाच्या प्लेइंग इलेव्हनमध्ये बदल करण्यात आला आहे. भारताचा मधल्या फळीतील फलंदाज श्रेयस अय्यरला या वनडे मालिकेतून मुक्त करण्यात आले आहे.

श्रेयसला आगामी कसोटी मालिकेच्या तयारीसाठी मुक्त केले आहे. त्यामुळे त्याच्या जागेवर दुसऱ्या वनडेसाठी रिंकू सिंगला प्लेइंग इलेव्हनमध्ये संधी देण्यात आली आहे. त्यामुळे या सामन्यातून रिंकू वनडे क्रिकेटमध्ये पदार्पण करेल.

तसेच दक्षिण आफ्रिकेने प्लेइंग इलेव्हनमध्ये दोन बदल केले आहेत. त्यांनी ब्युरान हेंड्रिक्स आणि लिझाद विल्यम्सला संघात संधी दिली आहे.

असे आहेत प्लेइंग इलेव्हन

• भारत - केएल राहुल (यष्टीरक्षक/कर्णधार), ऋतुराज गायकवाड, साई सुदर्शन, तिलक वर्मा, संजू सॅमसन, रिंकू सिंग, अक्षर पटेल, अर्शदीप सिंग, आवेश खान, कुलदीप यादव, मुकेश कुमार

• दक्षिण आफ्रिका - टोनी डी झोर्झी, रीझा हेंड्रिक्स, रॅस्सी व्हॅन डर ड्युसेन, एडेन मार्करम (कर्णधार), हेन्रिक क्लासेन (यष्टीरक्षक), डेव्हिड मिलर, विआन मुल्डर, केशव महाराज, नांद्रे बर्गर, लिझाद विल्यम्स, ब्युरान हेंड्रिक्स