श्रीलंकेविरुद्धच्या तीन सामन्यांच्या टी-20 मालिकेत विराट कोहली, सूर्यकुमार यादव आणि ऋषभ पंत अनुपस्थित आहेत. अशा परिस्थितीत श्रेयस अय्यरवर मिडल ऑर्डरची मोठी जबाबदारी आहे. श्रेयसला (Shreyas Iyer) T20 विश्वचषक 2021 च्या संघात स्थान मिळाले नाही. त्यामुळे आता त्याला शानदार कामगिरी करण्याची आणि या वर्षाच्या अखेरीस ऑस्ट्रेलियात (Australia) खेळल्या जाणाऱ्या T20 विश्वचषक 2022 (T20 World Cup 2022) साठी संघात स्थान अढळ करण्याची मोठी संधी आहे. (Shreyas Iyers Big Revelation)

दरम्यान, श्रेयस अय्यरला आयपीएल फ्रँचायझी KKR चा कर्णधार बनवण्यात आले आहे. सध्या अय्यरला भारतीय संघात T20 सामन्यांमध्ये कोहलीच्या जागी तिसऱ्या क्रमांकावर फलंदाजी करण्याची संधी देण्यात आली आहे. श्रीलंकेविरुद्धही त्याने तिसऱ्या क्रमांकावर फलंदाजी करत 28 चेंडूत नाबाद 57 धावा करुन भारतीय संघाची धावसंख्या 199 पर्यंत घेऊन गेला होता. त्यानंतर भारताने हा सामना 62 धावांनी जिंकला.

तसेच, या सामन्यातील भारताच्या विजयानंतर श्रेयस अय्यरने एका घटनेचा उल्लेख केला आहे. ज्यामध्ये त्याने म्हटले की, या सामन्याच्या शेवटच्या षटकांमध्ये मी बॉल स्विंग करण्यासाठी उत्सुक होतो. त्यावेळी मी टीम इंडियाचा (Team India) उपकर्णधार जसप्रीत बुमराहला विचारले होते. त्याला पटवून देण्याचा प्रयत्नही केला होता.

शिवाय, श्रीलंकेविरुद्धच्या पहिल्या सामन्यातील शेवटच्या काही षटकांमध्ये रोहित शर्मा मैदानाबाहेर होता. त्यावेळी जसप्रीत बुमराहने (Jaspreet Bumrah) शेवटपर्यंत टीम इंडियाची कमान संभाळली होती. भारताने या सामन्यात पाच आघाडीच्या गोलंदाजांसह 7 गोलंदाजांचा संघात स्थान दिले होते. दीपक हुडा (Deepak Hooda) आणि व्यंकटेश अय्यर यांनाही या सामन्यात काही षटके टाकायला मिळाली. मात्र, श्रेयस अय्यरला गोलंदाजीची संधी मिळाली नाही. गेल्या महिन्यात केपटाऊनमध्ये दक्षिण आफ्रिकेविरुद्धच्या तिसऱ्या एकदिवसीय सामन्यात त्याने तीन षटके टाकली होती.