UEFA Europa League Final: स्पेनच्या क्लब सेव्हिलाने सातव्यांदा यूईएफए युरोपा लीग (UEFA Europa League) जिंकली. सेव्हिलाचा संघ सातव्यांदा अंतिम फेरीत पोहोचला होता. विशेष म्हणजे, त्यांनी आपला शानदार रेकॉर्ड कायम ठेवला.

बुडापेस्ट येथे खेळल्या गेलेल्या विजेतेपदाच्या लढतीत सेव्हिलाने इटलीच्या (Italy) क्लब एस रोमाचा दारुण पराभव केला. रोमाचा संघ 1991 नंतर या स्पर्धेच्या अंतिम फेरीत पोहोचला होता. मात्र, त्यांना दुसऱ्यांदाही पराभवाला सामोरे जावे लागले.

दरम्यान, रोमाचे व्यवस्थापक जोस मोरिन्हो सहाव्यांदा आपल्या संघासह युरोपियन स्पर्धेच्या अंतिम फेरीत पोहोचले होते. त्यांना पहिल्यांदाच पराभवाला सामोरे जावे लागले.

सेव्हिलाविरुद्धच्या पराभवानंतर मोरिन्हो यांनी आपले रौप्यपदक स्वीकारले नाही. त्यांनी रौप्य पदक थेट स्टेडियममध्ये बसलेल्या एका चाहत्याकडे फेकले. मॉरिन्हो यांनी गेल्या वर्षी कॉन्फ्रेंस लीगमध्ये रोमाला विजय मिळवून दिला होता. मात्र, त्यांना सलग दुसरे युरोपियन जेतेपद जिंकता आले नाही.

रोमाच्या पाउलो डायबालाने 34 व्या मिनिटाला पहिला गोल केला

सामन्यात रोमाच्या पाउलो डायबालाने 34 व्या मिनिटाला पहिला गोल केला. मात्र, ही आघाडी हाफ टाइमपर्यंत कायम राहिली. उत्तरार्धात सामना सुरु झाला तेव्हा रोमाच्या खेळाडूंच्या मदतीने सेव्हिलाचा संघ सामन्यात परतला.

रोमाचा अनुभवी खेळाडू जियानलुका मॅन्सिनीने 55 व्या मिनिटाला आत्मघाती गोल केला. त्याच्याच गोलमुळे सेव्हिलाने सामन्यात पुनरागमन केले आणि स्कोअर 1-1 असा बरोबरीत राहिला.

सेव्हिलाच्या गोलरक्षकाने संघाला विजय मिळवून दिला

निर्धारित 90 मिनिटे सामना 1-1 असा बरोबरीत असताना सामना अतिरिक्त वेळेत गेला. मात्र, तिथेही एकही गोल झाला नाही. अशा स्थितीत सामना शूटआऊटपर्यंत पोहोचला.

पेनल्टी शूटआऊटमध्ये सेव्हिलाचा गोलरक्षक यासीन बुओनोने शानदार कामगिरी केली. त्याने दोन सेव्ह केले. अर्जेंटिनाच्या गोन्झालो मॉन्टिएलने सेव्हिलासाठी विजयी पेनल्टीवर गोल केला.

गेल्या वर्षाच्या अखेरीस त्याने अर्जेंटिनासाठी (Argentina) विश्वचषकात विजयी पेनल्टी किकही मारली होती. रोमासाठी मॅनसिनी आणि रॉजर इबानेझचे पेनल्टी शूटआऊट चुकले.