Goa Sports News : गोवा क्रिकेट असोसिएशनच्या (जीसीए) उत्तर विभागीय ब गट क्रिकेट स्पर्धेत सम्राट स्पोर्टस क्लबने विजेतेपद मिळविले. अंतिम लढतीत त्यांनी ग्लोबल स्पोर्टस क्लबला दोन विकेट राखून हरविले. सामना रविवारी पर्वरी येथील जीसीए (Goa Cricket Association) अकादमी मैदानावर झाला. (Goa Cricket Association Latest News)

ग्लोबल क्लबने प्रथम फलंदाजी करताना 187 धावा केल्या. त्यांच्या पीटर फर्नांडिसने सर्वाधिक 40 धावा नोंदविल्या. सम्राट क्लबच्या गौरव नाईकने तीन, तर आपाली कळंगुटकर व साहिल आरोलकर यांनी प्रत्येकी दोन गडी बाद केले. विजयी आव्हानाचा पाठलाग करताना सम्राट क्लबची 7 बाद 129 अशी घसरगुंडी उडाली. मात्र तळात साहिल आरोलकर (31) व आपाली कळंगुटकर (नाबाद 27) यांनी टिच्चून फलंदाजी केल्यामुळे सम्राट क्लबला विजय नोंदविता आला. साहिल व आपाली यांनी आठव्या विकेटसाठी 40 धावांची महत्त्वपूर्ण भागीदारी केली. आपालीने आकाश नाईक (नाबाद 5) याच्यासमवेत नवव्या विकेटसाठी 21 धावांची भागीदारी करून संघाला सामना एक षटक राखून जिंकून दिला.

संक्षिप्त धावफलक : ग्लोबल स्पोर्टस क्लब : 38.4 सर्वबाद सर्वबाद 187 (पीटर फर्नांडिस 40, नीतिश काळे 19, आशिष शिरोडकर 28, दत्ता नाईक 13, भिकाजी पेडणेकर 22, प्रवीण नाईक 24, आपाली कळंगुटकर 2-40, तेजस देसाई 1-16, साहिल आरोलकर 2-20, आकाश नाईक 1-10, गौरव नाईक 3-42, संतोष तुळसकर 1-28) पराभूत वि. सम्राट स्पोर्टस क्लब : 39 षटकांत 8 बाद 190 (अमित गावस 26, विनोद नाईक 10, संतोष तुळसकर 38, आशिष नाईक 13, साहिल आरोलकर 31, आपाली कळंगुटकर नाबाद 27, नीतिश काळे 3-40, आशिष शिरोडकर 2-43, रायन फर्नांडिस 2-26).