Sachin Tendulkar | Carlos Alcaraz Dainik Gomantak
क्रीडा

Sachin Tendulkar : 'मी फेडररसारखे कार्लोसलाही 10-12 वर्षे...', मास्टर-ब्लास्टरकडून विम्बल्डन विजेत्याचं तोंडभरून कौतुक

Wimbledon 2023 Final: विम्बल्डन 2023 विजेत्या अल्कारेजवर मास्टर-ब्लास्टर सचिन तेंडुलकरने स्तुतीसुमने उधळली आहेत.

Pranali Kodre

Sachin Tendulkar Praise Carlos Alcaraz: रविवारी स्पेनच्या कार्लोस अल्कारेजने विम्बल्डन 2023 स्पर्धेचे विजेतेपद जिंकत इतिहास रचला. त्याने पुरुष एकेरीच्या अंतिम सामन्यात 23 वेळच्या ग्रँडस्लॅम विजेत्या नोव्हाक जोकोविचला पराभवाचा धक्का दिला. या विजयानंतर भारताचा दिग्गज क्रिकेटपटू मास्टर-ब्लास्टर सचिन तेंडुलकरने अल्कारेजचे कौतुक केले.

अव्वल मानांकित अल्कारेजने जोकोविचला 4 तास 42 मिनिट चाललेल्या अंतिम सामन्यात 1-6, 7-6(6), 6-1, 3-6, 6-4 असे पराभूत केले. हे अल्कारेजचे दुसरे ग्रँडस्लॅम विजेतेपद आहे. त्याने यापूर्वी 2022 मध्ये अमेरिकन ओपनचे विजेतेपद जिंकले होते.

दरम्यान, अल्कारेजच्या या विजेतेपदानंतर सचिनने ट्वीट केले की 'अंतिम सामना पाहाणे शानदार होते. दोन्ही खेळाडूंनी शानदार टेनिसचे प्रदर्शन केले. आपण टेनिसमधील पुढच्या सुपरस्टारच्या उदयाचे साक्षीदार आहोत. मी कार्लोसची कारकिर्द पुढील 10-12 वर्षे फॉलो करणार आहे, जसे मी रॉजर फेडररची केली. कार्लोस अल्कारेझ खूप अभिनंदन.'

सचिन फेडररचा मोठा चाहता असल्याने अनेकांना माहित असेल. अनेकदा सचिनने फेडररची भेटही घेतली आहे.

दरम्यान अल्कारेजच्या रुपात गेल्या 20 वर्षांच्या कालावधीत नोव्हाक जोकोविच, रॉजर फेडरर, अँडी मरे आणि राफेल नदाल यांच्याव्यतिरिक्त विजेता विम्बल्डनला मिळाला आहे. त्यामुळेच अल्कारेजचा हा विजय विशेष मानला जात आहे.

तथापि, या विजयानंतर अल्कारेज जागतिक क्रमवारीत अव्वल क्रमांकावर कायम राहाणार आहे.

रोमांचक अंतिम सामना

रविवारी झालेल्या अंतिम सामन्यात जोकोविचने दणक्यात सुरुवात केली होती. पहिल्या सेटमध्ये त्याने अल्कारेजला कोणतीच संधी न देता 6-1 असा सामना आपल्या नावे केला होता. पण त्यानंतर अल्कारेजने दमदार पुनरागमन केले. त्याने दुसऱ्या सेटमध्ये चिवट खेळ करत टायब्रेकमध्ये विजय मिळवला.

त्यानंतर तिसरा सेट त्याने 6-1 असा सहज जिंकला. पण जोकोविचनेही चौथ्या सेटमध्ये आपल्या अनुभवाच्या जोरावर पुनरागमन करण्यात यश मिळवले. त्याने चौथा सेट जिंकत सामना निर्णायक पाचव्या सेटमध्ये जाईल, याची काळजी घेतली. मात्र, अखेरच्या सेटमध्ये जोकोविचला पुन्हा अल्कारेज भारी पडला आणि त्याने विजेतेपदही जिंकले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Sandpapergate Scandal: 'उस्मान ख्वाजा सर्वात मोठा गद्दार', सँडपेपरगेट प्रकरणावरुन डिव्हिलियर्सचा संताप; क्रिकेटची बदनामी केल्याचा आरोप

Goa Spice Cultivation: जायफळ, वेलची, काळी मिरीला बाजारात मागणी; गोव्यात मसाला पिकांकडे शेतकऱ्यांचा वाढता कल

Accident News: दोन महिन्यांपूर्वी घेतली कार, 100च्या स्पीडमध्ये 20 फूट हवेत उडून झाडावर आदळली… भीषण अपघातात 7 तरुणांचा मृत्यू

Mohammed Siraj Selection: मोहम्मद सिराजला प्लेइंग-11 मधून वगळण्यावरुन राजकीय वादंग! काँग्रेस नेत्याने तोडले तारे; म्हणाले, 'नावामुळे भेदभाव...' VIDEO

Under 16 Cricket: गोव्याचा पहिला डाव 97 धावांत आटोपला; कर्नाटकने पहिल्याच दिवशी 127 धावांची आघाडी घेत वर्चस्व गाजवले

SCROLL FOR NEXT