मँचेस्टर युनायटेड (Manchester United) संघात 12 वर्षानंतर पुनरागमन करणाऱ्या पोर्तुगलचा (Portugal) स्टार खेळाडू क्रिस्टियानो रोनाल्डोने (Cristiano Ronaldo) इंग्लिश प्रीमियर लीगमध्ये (English Premier League) दमदार कमबॅक केले असून, पहिल्याच सामन्यात 2 गोल करत मँचेस्टरला विजय मिळवून दिला. मँचेस्टरने हा सामना 4-1 अशा फरकाने जिंकला आहे.

क्रिस्टियानोने 2009 मध्ये मँचेस्टर युनाटेडला गुड बाय करत, स्पॅनिश क्लब रियाल मेड्रिडमध्ये सामिल झाला, त्यानंतर त्याने युरोपियन ट्रांसफर विंडोच्या माध्यमातून पुन्हा एकदा त्याच्या अधिच्याच मँचेस्टर युनायटेडमध्ये आला आहे. या आधी रोनाल्डो इटलीच्या क्लब युबेटससाठी खेळत होता.

मँचेस्टर युनाटेडमधून पुन्हा खेळतानाचा काल त्याचा पहिला सामना होता. या सामन्यात त्याने दोन गोल करीत आपला जलवा दाखवून दिला आहे. रोनाल्डोने 45 साव्या मिनिटाला पहिला गोल करत मँचेस्टरला 1-0 अशी आघाडी मिळवून दिली. त्यानंतर दुसऱ्या हाफमध्ये देखील रोनाल्डोने आपली जादू दाखवत 65 व्या मिनिटाला दुसरा गोल मँचेस्टला पुन्हा 2-1 अशी आघाडी मिळवून दिली. या गोलच्या आधी 56 व्या मिनिटाला न्युकास्टल संघाच्या जेवियर मॅक्यूलोने 56 व्या मिनिटाला गोल करत 1-1 अशी बरोबरी केली होती. त्यानंतर 80 व्या मिनिटाला ब्रूनो आणि 90 व्या मिनिटाला जेसी लिंगार्ड यांनी अनुक्रमे दोन गोल केले आणि मँचेस्टर युनाटेडने 4-1 असा सामना जिंकला.

हा सामना पाहण्यासाठी रोनाल्डोची आई मैदानात उपस्थित होती. रोनाल्डोने बऱ्याच वर्षानंतर पुन्हा मँचेस्टर युनाटेडकरुन खेळताना पहिला गोल केल्यानंतर रोनाल्डोच्या आईला भावना अनावर झाल्या आणि तिच्या डोळ्यात आनंदाश्रू आले. मँचेस्टरने इंग्लिश प्रीमियर लीगमध्ये आपल्या घरच्या मैदानावर सलग पाचवा सामना जिंकला आहे. मँचेस्टला घरच्या मैदानावर न्यूकास्टल संघाविरुध्द 27 सामन्यांपैकी केवळ एका सामन्यात पराभावाचा सामना करावा लागला आहे. यात 18 सामने मँचेस्टरने जिंकले असून 8 सामने ड्रॉ झाले आहेत.