World Cup 2023: एकदिवसीय विश्वचषक 2023 ही स्पर्धा आंतरराष्ट्रीय क्रिकेट परिषदे (ICC) साठी सर्वात यशस्वी ठरली. या स्पर्धेने केवळ टीव्ही आणि लाइव्ह स्ट्रीमिंगचे जागतिक विक्रमच मोडले नाहीत तर प्रेक्षकांच्या बाबतीतही जागतिक विक्रम केला. विश्वचषक 2023 ही आयसीसीची आतापर्यंतची सर्वात यशस्वी स्पर्धा ठरली.
ऑस्ट्रेलियाने भारताचा पराभव केला आणि सुमारे एक लाख प्रेक्षकांमध्ये सहावे विजेतेपद पटकावले, परंतु त्याहूनही मोठा विक्रम म्हणजे विश्वचषक 2023 च्या सर्व सामन्यांना उपस्थित राहिलेल्या प्रेक्षकांची संख्या 12 लाख 50 हजार 307 होती. एवढ्या मोठ्या संख्येने चाहत्यांनी विश्वचषक स्पर्धा पाहिली, हा एक विक्रम आहे.
दरम्यान, भारताच्या (India) 1,250,307 प्रेक्षकांच्या विक्रमी उपस्थितीपूर्वी विश्वचषक 2015 ही ICC ची सर्वात यशस्वी स्पर्धा होती. त्यादरम्यान, सुमारे एक दशलक्ष (1,016,420) प्रेक्षकांनी तिकिटे बुक केली होती. त्या मेगा इव्हेंटचे आयोजन ऑस्ट्रेलिया आणि न्यूझीलंडने केले होते.
त्याचवेळी, 2019 मध्ये इंग्लंड आणि वेल्समध्ये झालेल्या विश्वचषक स्पर्धेत सुमारे 7.5 लाख (752,000) लोकांनी स्टेडियममध्ये जाऊन सामने पाहिले होते.
विश्वचषक 2023 ची सुरुवात 5 ऑक्टोबर रोजी झाली, तर अंतिम सामना 19 नोव्हेंबर रोजी खेळला गेला. या कालावधीत एकूण 48 सामने खेळले गेले, ज्यामध्ये 2 उपांत्य फेरीतील सामने आणि अंतिम फेरीचा समावेश होता.
एकीकडे प्रेक्षकांनी विक्रमी संख्येने स्टेडियमवर पोहोचून विश्वचषकात नवा इतिहास रचला, तर दुसरीकडे या स्पर्धेचे अनेक प्रसारण आणि डिजिटल दर्शकांचे रेकॉर्डही मोडले. विशेषत: हॉटस्टारवरील वर्ल्ड कपच्या टेलिकास्टने नवा विक्रम रचला. भारत आणि ऑस्ट्रेलिया (Australia) यांच्यातील अंतिम सामना 5.9 कोटी प्रेक्षकांनी हॉट स्टारवर पाहिला. आजपर्यंत इतक्या प्रेक्षकांनी हॉट स्टारवर एकही सामना पाहिला नाही.
विश्वचषक 2023 च्या अंतिम सामन्यात भारताचा 6 विकेट्सनी पराभव करुन ऑस्ट्रेलिया संघाने 6व्यांदा एकदिवसीय विश्वचषक जिंकला आहे. पॅट कमिन्सच्या नेतृत्वाखाली ऑस्ट्रेलियाने प्रथमच एकदिवसीय विश्वचषक जिंकला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.