पावसाळ्यात मुंबईत (Mumbai) होणारी कांगा लीग क्रिकेट (Cricket league) स्पर्धा विख्यात आहे. बुधवारी रात्री असेच पावसाळी क्रिकेट तुये-पेडणे येथे अनुभवण्यास मिळाले. धो-धो पडणाऱ्या पावसात क्रिकेट सामना रंगला आणि मोठ्या संख्येने उपस्थित क्रिकेटप्रेमींनी बसण्यासाठी असलेल्या खुर्च्या डोक्यावर घेत सामना पाहिला.

पावसाळी क्रिकेटची मजा लुटणारे नशीबवानच ठरले. माजी जिल्हा पंचायत सदस्य दीपक कळंगुटकर हे पेडण्यातील एक उत्साही व्यक्तिमत्त्व. त्यांच्या पुढाकाराने क्रिकेट स्पर्धा झाली. दरवर्षी ते स्पर्धा आयोजित करतात. अंतिम सामन्यापूर्वी कळंगुटकर यांचा लांबलेला वाढदिन कार्यक्रम आटोपशीर ठरला असता, तर बुधवारी रात्री कदाचित पावसाळी क्रिकेट पाहता आले नसते.