FC Goa Dainik Gomantak
क्रीडा

सकारात्मकता हेच एफसी गोवाचे ध्येय, मुंबई सिटीच्या वाटचालीत अडथळा

पुढील लीगसाठी तयारीच्या दृष्टीने सकारात्मक टप्प्यावर मोसम संपविणे महत्त्वाचे ठरेल

दैनिक गोमन्तक

पणजी : एफसी गोवा संघाची आठव्या इंडियन सुपर लीग (आयएसएल) फुटबॉल स्पर्धेतील कामगिरी अतिशय खराब झाली, तरीही अजूनही ते सकारात्मक दृष्टिकोन बाळगून आहेत. त्यानुसार खेळल्यास गतविजेत्या मुंबई सिटीच्या वाटचालीत ते अडथळा आणू शकतात.

एफसी गोवासाठी केवळ औपचारिकता, तर मुंबई (Mumbai) सिटीसाठी महत्त्वाचा असलेला सामना शनिवारी (ता. 26) बांबोळी येथील ॲथलेटिक स्टेडियमवर खेळला जाईल. 18 सामन्यांतून फक्त 18 गुणांची कमाई केलेला एफसी गोवा संघ सध्या नवव्या क्रमांकावर आहे. मुंबई सिटीचा उपांत्य फेरीसाठी दावा आहे. 17 लढतीनंतर त्यांचे 28 गुण असून ते चौथ्या स्थानी आहेत.

यंदा स्पर्धेच्या पहिल्या टप्प्यात, तसेच मागील पाच सामन्यांत मुंबई सिटीला नमविणे एफसी गोवासाठी (goa) शक्य झालेले नाही. सध्याचा त्यांचा फॉर्म पाहता, शनिवारी मुंबई सिटीचेच पारडे जड असेल. निलंबनामुळे हुकमी स्पॅनिश मध्यरक्षक एदू बेदिया खेळू शकणार नाही. त्याच्या अनुपस्थितीचा फटका एफसी गोवास बसू शकतो.

‘‘पुढील लीगसाठी तयारीच्या दृष्टीने सकारात्मक टप्प्यावर मोसम संपविणे महत्त्वाचे ठरेल,’’ असे एफसी गोवाचे सहाय्यक प्रशिक्षक क्लिफर्ड मिरांडा यांनी शुक्रवारी सांगितले. ‘‘प्ले-ऑफ शर्यतीतून बाद झालेले असताना आणि समोर कोणतेच लक्ष्य नसताना खेळणे अवघड असते, पण क्लब आणि खेळाडूंसाठी पुढे जाण्याचे ध्येय असून प्रेरित राहणे महत्त्वाचे आहे,’’ असे मिरांडा म्हणाले.

‘‘आमचे आणखी तीन सामने शिल्लक आहेत, परंतु एकावेळी एकाच सामन्यावर लक्ष केंद्रित करण्याचे आमचे ध्येय आहे. या संपूर्ण मोसमात खेळाडूंनी उल्लेखनीय कामगिरी केली आहे. मागील काही आठवड्यांतील खेळ अधिक चांगला झालेला आहे आणि त्यात सातत्य राखण्याची काळजी प्रत्येकाला घ्यायची आहे. ठरवल्याप्रमाणे हंगामाचा शेवट आम्हाला करायचा आहे,’’ असे मुंबई सिटीचे प्रशिक्षक डेस बकिंगहॅम यांनी सांगितले.

मैदानात उतरण्यापूर्वी...

- पहिल्या टप्प्यात 22 नोव्हेंबर 2021 रोजी फातोर्डा येथे मुंबई सिटीचा एफसी गोवावर 3-0 असा विजय

- आयएसएलमधील (ISL) मागील 5 लढतीत एफसी गोवाविरुद्ध मुंबई सिटीचे 2 विजय, 3 लढती बरोबरीत

- एफसी गोवाचा मुंबई सिटीविरुद्ध शेवटचा विजय 2019-20 मोसमात, तेव्हा 5-2 फरकाने बाजी

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

Goa Water Crisis: 'जल है तो कल है'! यंदाच्या अपुऱ्या पावसामुळे गोव्यात पाणीटंचाईचे गडद संकट

SCROLL FOR NEXT