पणजी: पणजी फुटबॉलर्सने (Panaji footballers) कळंगुट असोसिएशनवर 2-0 फरकाने विजय नोंदवत १७व्या गोवा पोलिस कप फुटबॉल स्पर्धेच्या अंतिम फेरीत प्रवेश केला. उपांत्य लढत शुक्रवारी म्हापसा येथील धुळेर स्टेडियमवर झाली.

सामन्यातील दोन्ही गोल उत्तरार्धातील खेळात झाले. पांडुरंग गावस याने 54 व्या मिनिटास गोलशून्य बरोबरीची कोंडी फोडली. नंतर साठाव्या मिनिटास इरफान यादवड याने पणजी फुटबॉलर्सची आघाडी भक्कम केली.

स्पर्धेच्या अंतिम फेरीत पणजी फुटबॉलर्स संघासमोर धेंपो स्पोर्टस क्लबचे आव्हान असेल. विजेतेपदासाठी 24 नोव्हेंबरला लढत होईल.