दिग्गज टेनिसपटू नोव्हाक जोकोविचने 2012, 2015, 2016 आणि 2019 नंतर विक्रमी 5व्यांदा लॉरियस वर्ल्ड स्पोर्ट्समन ऑफ द इयर पुरस्कार जिंकला, तर स्पेनची विश्वचषक विजेती फुटबॉल स्टार ऐताना बोनमाटीने वर्ल्ड स्पोर्ट्सवुमन ऑफ द इयर पुरस्कार जिंकला. तर फिफा विश्वचषक विजेत्या स्पेन संघाला लॉरियस टीम ऑफ द इयर म्हणून निवडण्यात आले.
22 एप्रिल रोजी माद्रिदमध्ये पार पडलेल्या समारंभात क्रीडापटूंना हे पुरस्कार प्रदान करण्यात आले.
गेल्या जानेवारीत ऑस्ट्रेलियन ओपनमध्ये पुनरागमन करणे आणि माझे 10वे विजेतेपद जिंकणे खूप रोमांचकारी होते. ही स्पर्धा माझ्यासाठी खूप प्रिय आहे. माझ्या पाठीमागे कायम उभरणारा माझा सपोर्ट स्टाफ आणि प्रेरणादायी प्रतिस्पर्ध्यांशिवाय मी इतके यश मिळवू शकलो. ज्यांनी सतत सर्वोत्तम कामगिरीची प्रेरणा दिली.नोव्हाक जोकोविच
इंग्लंडचा स्टार फुटबॉलपटू ज्युड बेलिंगहॅमने रिअल माद्रिदमधील ब्रेकथ्रूसाठी लॉरियस ब्रेकथ्रू ऑफ द इयर पुरस्काराने सन्मानित करण्यात आले.
दरम्यान, दिग्गज जिम्नॅस्ट सिमोन बाईल्सला गेल्या वर्षी खेळात दमदार पुनरागमनासाठी सन्मानित करण्यात आले.
7 वेळा सुपर बाउल चॅम्पियन असलेल्या टॉम ब्रॅडीने जोकोविचला वर्षातील सर्वोत्तम खेळाडूचा पुरस्कार प्रदान केला. तर सर्वकाळातील महान धावपटू उसेन बोल्टने बोनामाटीला वर्षातील सर्वोत्तम स्पोर्ट्सवुमन पुरस्कार प्रदान केला.
लॉरेस वर्ल्ड स्पोर्ट्समन ऑफ द इयर पुरस्कार: नोव्हाक जोकोविच
लॉरियस वर्ल्ड स्पोर्ट्सवुमन ऑफ द इयर अवॉर्डः ऐताना बोनामाटी
लॉरेस वर्ल्ड टीम ऑफ द इयर पुरस्कार: स्पेन महिला फुटबॉल संघ
लॉरियस वर्ल्ड ब्रेकथ्रू ऑफ द इयर पुरस्कार: ज्यूड बेलिंगहॅम
लॉरियस वर्ल्ड कमबॅक ऑफ द इयर पुरस्कार: सिमोन बायल्स
लॉरियस स्पोर्ट फॉर गुड अवॉर्ड: फंडासीन राफा नदाल
लॉरेस वर्ल्ड स्पोर्ट्सपर्सन ऑफ द इयर विथ अ डिसेबिलिटी अवॉर्ड: डायडे डी ग्रूट
लॉरियस वर्ल्ड ॲक्शन स्पोर्ट्सपर्सन ऑफ द इयर अवॉर्ड: अरिसा ट्रू
लॉरियस वर्ल्ड स्पोर्ट्सवुमन ऑफ द इयर, ऐताना बोनमॅट म्हणाली, “मला लॉरियस ऑफ द इयर स्पोर्ट्सवुमन पुरस्कार मिळाल्याबद्दल अभिमान वाटतो. आणि मला खूप आनंद होत आहे की माझ्या आंतरराष्ट्रीय संघ-सहकाऱ्यांचा लॉरियसने वर्षातील सर्वोत्तम संघ म्हणून सन्मान केला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.