टोकियो ऑलिम्पिकमध्ये भालाफेक स्पर्धेत सुवर्णपदक जिंकून नीरज चोप्राने भारताचा जगभर गौरव केला. नीरज चोप्रा मूळचा हरियाणा राज्यातील पानिपतचा आहे.

नीरज चोप्राने आपल्या पालकासोबत पहिल्यांदा हवाई प्रवास केला. भालाफेक मध्ये नीरज चोप्राने दमदार कामगिरी करत पहिल्याच प्रयत्नात 87.03 अशी उत्तम भालाफेक केला. तर दुसऱ्या प्रयत्नात सुद्धा 87.58 असा विक्रमी भाला फेकला आणि सुवर्ण पदकावर आपले नाव कोरले.

नीरज चोप्रासाठी, 2021 हे वर्ष स्वप्नांना पंख देणारे वर्ष ठरले आहे. पहिल्याच ऑलिम्पिक स्पर्धेमध्ये सुवर्णपदक जिंकण्याचे त्याचे स्वप्न पूर्ण झाले आणि आता तो आपल्या बालपणात पाहिलेले पुर्ण करतांना दिसत आहे.

नीरज चोप्राने त्याच्या पालकांसोबत विमानात प्रवास करतानाचा एक फोटो सोशल मिडियावर शेअर केला आहे. यासोबत त्याने आपल्या भावनाही व्यक्त केल्या आहेत. "आज माझ्या आयुष्यातील एक स्वप्न पूर्ण झाले. माझ्या आई-वडीलांना पहिल्यांदा विमानात बसलेले पाहून मला खुप आनंद झाला. सर्वांच्या प्रार्थना आणि आशीर्वादांसाठी मी नेहमीच कृतज्ञ राहीन,” असे कॅप्शन त्याने या फोटोंना दिले आहे.

टोकियो ऑलिम्पिकमध्ये भालाफेक स्पर्धेत सुवर्णपदक जिंकून भारताचा गौरव करणारा नीरज चोप्रा एैतीहासिक भुमी पानिपतचा आहे. त्यांचे वडील सतीश कुमार यांचा शेतीचा व्यवसाय आहे तर आई सरोज देवी गृहिणी आहेत.

टोकियो ऑलिम्पिकमध्ये भारतासाठी सुवर्णपदक जिंकणारा नीरज चोप्रा एकमेव खेळाडू आहे. त्याचबरोबर, नेमबाज अभिनव बिंद्रा नंतर एकेरीमध्ये देशासाठी सुवर्णपदक जिंकणारा तो दुसरा खेळाडू ठरला आहे. बिंद्राने 2008 च्या बीजिंग ऑलिम्पिकमध्ये सुवर्णपदक जिंकले.

नीरज चोप्रा सुवर्णपदक जिंकल्यानंतर टोकियो ऑलिम्पिकमधून परत आल्यापासून त्याच्या कमाईतही वाढ झाली आहे. त्यांच्यावर बक्षीस आणि जाहिरातींचा वर्षाव झाला. एका अंदाजानुसार, नीरज प्रत्येक जाहिरातीमधून वर्षाला किमान 15 ते 25 लाख रुपये कमवतो.