Neeraj Chopra Dainik Gomantak
क्रीडा

Neeraj Chopra: भारताचा 'गोल्डन बॉय' पुन्हा चमकला! डायमंड लीग जिंकत रचला इतिहास

Lausanne Diamond League: नीरज चोप्राने डायमंड लीगचे विजेतेपद जिंकत ऐतिहासिक कामगिरी केली.

Pranali Kodre

Neeraj Chopra win Lausanne Diamond League title: भारताचा स्टार भालाफेकपटू नीरज चोप्राने सलग दुसऱ्यांदा डायमंड लीगचे विजेतेपद मिळवले आहे. शुक्रवारी (30 जून) लुसेनमध्ये झालेल्या डायमंड लीगमध्ये नीरजने 87.66 मीटरचा भाला भेक करत अव्वल क्रमांक मिळवला.

शुक्रवारी नीरजचा पहिला प्रयत्न फाऊल ठरला. पण नंतर त्याने चांगले पुनरागमन केले आणि दुसऱ्या प्रयत्नात 83.52 मीटर भालाफेक केली. त्यानंतर त्याने तिसऱ्या प्रयत्नात 85.04 मीटर भाला फेकला. यामुळे तो पहिल्या तीन जणांमध्ये आला होता.

नीरजचा चौथा प्रयत्नही फाऊल झाला. पण पाचव्या प्रयत्नात त्याने 87.66 मीटरचा भाला फेकला, ज्यामुळे त्याला अव्वल क्रमांक मिळाला.

नीरजने जर्मनीच्या जुलीयन वेबरला मागे टाकले. ज्युलीयन वेबरने पहिल्याच प्रयत्नात 86.20 मीटर भाला फेक केली होती. त्यानंतर त्याने अखेरच्या प्रयत्नात 87.03 मीटर भाला फेकला.

नीरजने टोकियो ऑलिम्पिकमध्ये सुवर्णपदक जिंकल्यापासून सातत्याने त्याची कामगिरी उंचावली आहे. त्याने याचवर्षी दोहामध्ये 88.67 मीटर भालाफेक करत डायमंड लीगमध्ये अव्वल क्रमांक मिळवला होता.

पण, त्यानंतर नीरजला दुखापत झाली होती. पण त्यातून त्याने चांगले पुनरागमन करत लुसेनमध्ये विजेतेपद जिंकले. आता नीरजने लक्ष्य यावर्षी होणाऱ्या एशियन गेम्सवर असणार आहे.

मुरली श्रीशंकर पाचवा

दरम्यान, लुसेन डायमंड लीगमध्ये भारताला खेळाडू मुरली श्रीशंकरही लांब उडी प्रकारात सहभागी झाला होता. पण तो या स्पर्धेत पाचव्या क्रमांकावर राहिला. त्याने पहिल्या प्रयत्नात 7.75 मीटर लांब उडी मारली होती.

त्यानंतर त्याने 7.63 मीटर आणि तिसऱ्या प्रयत्नात 7.88 मीटर लांब उडी मारली. त्यामुळे त्याने पहिल्या तीन जणांमध्ये जागाही मिळवली होती. पण स्वित्झर्लंडच्या सिमॉन एहॅमर आणि जपानच्या युकी हाशिओका यांनी त्याला मागे टाकले.

मुरलीने चौथ्या प्रयत्नात 7.59 मीटर आणि पाचव्या प्रयत्ना 7.66 मीटर लांब उडी मारली. पहिल्या क्रमांक मिळवलेल्या बहामासच्या लाक्वान नायर्नने 8.11 मीटर लांब उडी मारली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Sandpapergate Scandal: 'उस्मान ख्वाजा सर्वात मोठा गद्दार', सँडपेपरगेट प्रकरणावरुन डिव्हिलियर्सचा संताप; क्रिकेटची बदनामी केल्याचा आरोप

Goa Spice Cultivation: जायफळ, वेलची, काळी मिरीला बाजारात मागणी; गोव्यात मसाला पिकांकडे शेतकऱ्यांचा वाढता कल

Accident News: दोन महिन्यांपूर्वी घेतली कार, 100च्या स्पीडमध्ये 20 फूट हवेत उडून झाडावर आदळली… भीषण अपघातात 7 तरुणांचा मृत्यू

Mohammed Siraj Selection: मोहम्मद सिराजला प्लेइंग-11 मधून वगळण्यावरुन राजकीय वादंग! काँग्रेस नेत्याने तोडले तारे; म्हणाले, 'नावामुळे भेदभाव...' VIDEO

Under 16 Cricket: गोव्याचा पहिला डाव 97 धावांत आटोपला; कर्नाटकने पहिल्याच दिवशी 127 धावांची आघाडी घेत वर्चस्व गाजवले

SCROLL FOR NEXT