South Africa vs India 2nd Test at Cape Town:

दक्षिण आफ्रिका विरुद्ध भारत संघात कसोटी मालिकेतील दुसरा सामना बुधवारी (3 जानेवारी) चालू झाला आहे. केपटाऊनमधील न्यूलँड्स स्टेडियमवर होत असलेल्या या सामन्यात दक्षिण आफ्रिकेचा संघ 23.2 षटकात 55 धावांवर सर्वबाद झाला.

विशेष म्हणजे सामन्याच्या पहिल्याच सत्रात दक्षिण आफ्रिका संघ सर्वबाद झाला. दक्षिण आफ्रिकेकडून केवळ दोघांनाच दोन आकडी धावसंख्या गाठता आली. भारताकडून मोहम्मद सिराजने सर्वाधिक 6 विकेट्स घेतल्या.

या सामन्यात दक्षिण आफ्रिकेचा कर्णधार डीन एल्गारने नाणेफेक जिंकून प्रथम फलंदाजी करण्याचा निर्णय घेतला होता. त्यामुळे एल्गारसह एडेन मार्करम सलामीला फलंदाजीला उतरले. मात्र मोहम्मद सिराजने चौथ्या षटकात मार्करमला 2 धावांवर बाद केले, तर सहाव्या षटकात शेवटचा सामना खेळणाऱ्या डीन एल्गारने 4 धावांवर त्रिफळाचीत केले.

या धक्क्यातून नंतर दक्षिण आफ्रिका सावरले नाहीत. 9 व्या षटकात जसप्रीत बुमराहने पदार्पणवीर स्ट्रिस्टन स्टब्सला 3 धावांवर माघारी धाडले, तर पुढच्याच षटकात सिराजने टोनी डी झोर्झीचा अडथळाही दूर केला.

यानंतर डेव्हिड बेडिंगघम आणि काईल वेरेयन यांनी डाव सावरण्याचा प्रयत्न केला. केवळ त्यांनाच 10 धावांचा टप्पा पार करता आला. पण त्यांचीही जोडी फार वेळ टिकू शतकी नाही. 16 व्या षटकात सिराजने डेव्हिड बेडिंगघमला 12 धावांवर बाद केले, तर याच षटकात मार्को यान्सिनलाही शुन्यावर सिराजने माघारी घाडले.

पाठोपाठ सिराजने 18 व्या षटकात वेरेयनलाही 15 धावांवर गिलच्या हातून झेलबाद केले. अखेरच्या तीन विकेट्स मुकेश कुमार आणि जसप्रीत बुमराहने मिळून घेत दक्षिण आफ्रिकेचा डाव संपवला.

या डावात भारताच्या क्षेत्ररक्षकांनी सर्वाधिक झेल स्लीपमध्ये घेतले. यशस्वी जयस्वालने सर्वाधिक 3 झेल घेतले.

दरम्यान, सिराजची ही कसोटीच्या एका डावात 6 विकेट्स घेण्याची पहिलीच वेळ आहे. त्याने 9 षटकात 15 धावा देत 6 विकेट्स घेतल्या. तसेच भारताकडून या डावात जसप्रीत बुमराह आणि मुकेश कुमार यांनी प्रत्येकी 2 विकेट्स घेतल्या.