Axar Patel - Ravi Bishnoi | Muttiah Muralitharan ICC
क्रीडा

Muttiah Muralitharan: 'तो इतरांपेक्षा स्पेशल!', दिग्गज मुरलीधरनने भारताच्या युवा स्पिनरवर उधळली स्तुतीसुमने

Ravi Bishnoi: दिग्गज मुथय्या मुरलीधरनने भारतीय फिरकी गोलंदाजांचे कौतुक केले आहे.

Pranali Kodre

Legendary leg spinner Muttiah Muralitharan Praise India's Spin Bowling:

भारत विरुद्ध ऑस्ट्रेलिया संघात नुकतीच टी20 मालिका पार पडली. या टी20 मालिकेत भारताने 4-1 अशा फरकाने विजय मिळवला.

या मालिकेत 23 वर्षीय फिरकीपटू रवी बिश्नोईने सर्वांना प्रभावित करणारी कामगिरी नोंदवली. तसेच अक्षर पटेलनेही या मालिकेत चांगली कामगिरी केली. त्यामुळे त्यांचे दिग्गज फिरकीपटू मुथय्या मुरलीधरनने देखील कौतुक केले आहे.

भारत - ऑस्ट्रेलिया यांच्यातील टी20 मालिकेचा पाचवा सामना बंगळुरूला पार पडला, या सामन्यापूर्वी जिओ सिनेमाशी बोलताना मुरलीधरन म्हणाला, 'भारताच्या प्रत्येक पिढीमध्ये चांगले फिरकीपटू पाहायला मिळाले आहेत. तुम्ही पाहा अनिल कुंबळे पासून ते आर अश्विनपर्यंत आणि आता नवे युवा फिरकीपटू समोर येत आहेत.'

'बिश्नोई इतर कोणत्याही लेग स्पिनरपेक्षा वेगळा आहे. तो वेगात चेंडू टाकतो आणि चेंडू स्लाईडही खूप करतो. अक्षरही खूप अचूक असतो. तो चेंडू खूप वळवत नाही आणि वॉशिंग्टन सुंदरही त्याच्यासारखाच आहे. कारण तो देखील चेंडू खूप वळवत नाही आणि तोही खूप अचूक आणि वेगवान आहे.'

ऑस्ट्रेलियाविरुद्ध झालेल्या टी20 मालिकेत रवी बिश्नोईने सर्वाधिक 9 विकेट्स घेतल्या होत्या. त्याच्या कामगिरीसाठी त्याला मालिकावीर पुरस्कारही मिळाला. त्याने गेल्या काही सामन्यांपासून चांगली कामगिरी केली.

त्यामुळे सध्या त्याच्याकडे युजवेंद्र चहलचा पर्याय म्हणूनही पाहिले जात आहे, तसेच पुढीलवर्षी होणाऱ्या टी20 वर्ल्डकप स्पर्धेसाठीही तो भारतीय संघात स्थान मिळवण्याच्या दृष्टीने प्रबळ दावेदार आहे.

अक्षर पटेलबाबत सांगायचे झाले, तर त्याने ऑस्ट्रेलियाविरुद्ध चौथ्या आणि पाचव्या अशा सलग 2 सामन्यांत सामनावीराचा पुरस्कार जिंकला होता. त्याच्याकडे खालच्या फळीत फलंदाजी करण्याचीही क्षमता असल्याने तो संघासाठी महत्त्वाचा खेळाडू ठरताना दिसतो.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

SCROLL FOR NEXT