Kane Williamson: इंडियन प्रीमीयर लीग 2023 हंगामाच्या लिलाव कोचीमध्ये शुक्रवारी झाला. आयपीएलच्या या 16 व्या हंगामाच्या लिलावात पहिला सेट फलंदाजांचा झाला. त्यात पहिलेच नाव न्यूझीलंडचा क्रिकेटपटू केन विलियम्सनचे आले.

विलियम्सनवर सुरुवातीला कोणी पसंती दाखवण्यास तयार नव्हते. मात्र, गुजरात टायटन्सने त्याच्यावर विश्वास दाखवला आणि त्याच्यासाठी बोली लावली. पण अन्य कोणत्याही संघाने त्याच्यासाठी बोली न लावल्याने गुजरात टायटन्सने त्याला २ कोटीच्या मुळ किंमतीतच खरेदी केले.

विलियम्सनला या लिलावापूर्वी सनरायझर्स हैदराबादने संघातून मुक्त केले होते. त्यामुळे तो या आयपीएल लिलावात उतरला होता. विलियम्सनने आत्तापर्यंत आयपीएलमध्ये 76 सामने खेळले असून १८ अर्धशतकांसह 2101 धावा केल्या आहेत.