Kane Williamson Back To Back Hundreds: न्यूझीलंड आणि दक्षिण आफ्रिका यांच्यात 2 सामन्यांची कसोटी मालिका खेळवली जात आहे. या मालिकेतील पहिला सामना माऊंट मानुगनई येथे खेळवला जात आहे. या सामन्यात न्यूझीलंडचा कर्णधार केन विल्यमसनने चमकदार कामगिरी केली. या सामन्याच्या पहिल्या डावानंतर त्याने आता दुसऱ्या डावातही शानदार शतक झळकावले. यासह विराट कोहलीनंतर आता त्याने स्पेशल लिस्टमध्ये जो रुटला मागे टाकले आहे.
दरम्यान, माउंट मानुगनाई कसोटी सामन्याच्या पहिल्या डावात शतक झळकावणाऱ्या केन विल्यमसनने दुसऱ्या डावातही या कामगिरीची पुनरावृत्ती केली. या डावात त्याने 100 धावांचा टप्पा गाठण्यासाठी 125 चेंडूंचा सामना केला. या खेळीदरम्यान त्याने 12 चौकार मारले.
त्याचवेळी, 132 चेंडूत 109 धावा करुन तो बाद झाला. यासह त्याने कसोटीत सर्वाधिक शतके ठोकण्याच्या बाबतीत जो रुटला मागे टाकले आहे. रुटने आतापर्यंत कसोटीत 30 शतके झळकावली आहेत. यापूर्वी, त्याने या यादीत विराटला मागे टाकले होते. विराटने कसोटीत 29 शतके झळकावली आहेत.
स्टीव्ह स्मिथ - 32 शतके (107 सामने)
केन विल्यमसन - 31* शतके (97 सामने)
जो रुट – 30 शतके (137 सामने)
विराट कोहली - 29 शतके (113 सामने)
केन विल्यमसनच्या (Kane Williamson) बॅटने पहिल्या डावातही शानदार खेळी पाहायला मिळाली. केन विल्यमसनने 289 चेंडूत 118 धावा केल्या. या खेळीदरम्यान त्याच्या बॅटमधून 16 चौकार लागले. त्याचवेळी, या सामन्याबद्दल बोलायचे झाल्यास न्यूझीलंडने पहिल्यांदा फलंदाजी करताना पहिल्या डावात 511 धावा केल्या होत्या. प्रत्युत्तरात दक्षिण आफ्रिकेचा (South Africa) पहिला डाव 162 धावांत आटोपला. त्याचबरोबर दुसऱ्या डावात केन विल्यमसनच्या शतकी खेळीमुळे न्यूझीलंडने दक्षिण आफ्रिकेवर 500 हून अधिक धावांची आघाडी घेतली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.