Former Pakistani cricketer Mohammad Hafeez: पाकिस्तानचा माजी क्रिकेटपटू मोहम्मद हाफिजने आधी टीम इंडियाचा कर्णधार रोहित शर्मावर निशाणा साधला आणि आता भारतीय संघाला टोला लगावला आहे. एका कार्यक्रमादरम्यान हाफीज म्हणाला की, 'आंतरराष्ट्रीय क्रिकेट परिषद (ICC) आणि आशियाई क्रिकेट परिषद (ACC) या दोघांनाही भारत अधिक प्रिय आहे. कारण तो त्यांचा कमावता मुलगा आहे.' टीम इंडियाला 'लाडला' म्हणत हाफिजने आपला मुद्दा ठेवला, जो भारतीय क्रिकेट चाहत्यांना अजिबात आवडला नाही.

दरम्यान, आशिया चषक स्पर्धेतील पहिल्या सामन्यात टीम इंडियाने (Team India) पाकिस्तानचा (Pakistan) पाच गडी राखून पराभव केला. हाफिजने याआधी रोहितच्या कर्णधारपदावर प्रश्नचिन्ह उपस्थित केले होते, त्याला गोंधळलेला आणि कमकुवत कर्णधार म्हटले होते. दुसरीकडे, त्याच्या कामगिरीवर परिणाम होऊ लागल्याने तो जास्त काळ कर्णधारपद भूषवू शकणार नाही, असेही तो म्हणाला होता.