आयपीएलच्या 15 व्या मोसमात अंतिम फेरीत पोहोचलेल्या राजस्थान रॉयल्स (RR) संघाचा अनुभवी लेग-स्पिनर युजवेंद्र चहलची आणि (Yuzvendra Chahal) पत्नी धनश्री वर्माचा (Dhanashree Verma) एक डान्स व्हिडिओ सध्या सोशल मीडियावर धुमाकूळ घालत आहे. (Jose Butler dance video with Yuzvendra Chahal wife Dhanashree Verma has gone viral)

या व्हिडिओमध्ये धनश्री वर्मा पती युजवेंद्र चहल आणि राजस्थान रॉयल्सचा सलामीवीर जोस बटलर (Jos Buttler) यांना डान्स मूव्ह्स शिकवताना दिसून येत आहे. आयपीएलच्या फायनलमध्ये राजस्थान रॉयल्सचा गुजरात टायटन्सकडून (Gujarat Titans) पराभव झाला, पण ऑरेंज आणि पर्पल कॅपवर राजस्थानचे खेळाडू माणकरी राहिले.

धनश्री वर्माने तिच्या इंस्टाग्राम पेजवर एक व्हिडिओ शेअर केला आहे. त्या व्हिडिओमध्ये चहल आणि बटलर धनश्रीसोबत डान्स करत आहेत. काही वेळाने बाजूला उभा राहून चहल पत्नी धनश्री आणि बटलरच्या डान्स मूव्ह्ज पाहू लागतो.

नंतर बटलर भारतीय फिरकी गोलंदाज चहलची फेमस स्टेप कॉपी करताना दिसत आहे. चहलही त्यावेळी बटलरसोबत स्टेप करतो. डान्सनंतर बटलरने चहल आणि धनश्रीला मिठी देखील मारली. लोकांना हा व्हिडिओ खूप आवडला असून ते चाहते कमेंट बॉक्समध्ये वेगवेगळ्या प्रतिक्रिया देत आहेत.