ICC Player Of The Month: आयसीसीने (ICC) ने सोमवारी जून 2022 च्या महिन्यातील (Player of the Month for June 2022) सर्वोत्तम खेळाडूचा पुरस्कार जाहीर केला आहे. पुरुष क्रिकेटमध्ये इंग्लंडचा विस्फोटक फलंदाज जॉनी बेअरस्टो (Jonny Bairstow) आणि महिला गटात दक्षिण आफ्रिकेच्या मॅरिझान कॅप यांना हा पुरस्कार देण्यात आला आहे. बेअरस्टोने सहकारी जो रुट आणि न्यूझीलंडच्या डॅरिल मिशेलला मागे टाकत हा पुरस्कार जिंकला आहे.

अलीकडच्या काळात बेअरस्टोने शानदार फलंदाजी केली आहे. त्याने भारताविरुद्धच्या (India) पाचव्या कसोटी सामन्याच्या दोन्ही डावांत शतक झळकावले आणि इंग्लंडला (England) विजय मिळवून दिला. याशिवाय न्यूझीलंडविरुद्धच्या (New Zealand) कसोटी मालिकेतही त्याने चमकदार कामगिरी केली होती. महिला क्रिकेटमध्ये, दक्षिण आफ्रिकेच्या मारिझान कॅपची जून महिन्याची 'ICC प्लेयर ऑफ द मंथ' म्हणून निवड झाली.