बुक माय शो, आयपीएल 2022 (IPL) च्या अधिकृत तिकीट भागीदाराने शुक्रवारी जाहीर केले की मुंबई आणि पुण्यातील स्टेडियममधील प्रेक्षकांची संख्या 50 टक्क्यांनी वाढली आहे. महाराष्ट्र सरकारने (Maharashtra Government) 2 एप्रिलपासून सर्व कोविड-19 निर्बंध हटवण्यास मान्यता दिल्यानंतर तिकीट भागीदाराने ही घोषणा केली आहे. या घोषणेमुळे क्रिकेट प्रेमींमध्ये उत्साहाचे वातावरण दिसत आहे.

चाहत्यांसाठी चांगली बातमी

सध्या चालू असलेली आयपीएल 2022 संपूर्ण महाराष्ट्रात चार स्टेडियममध्ये आयोजित केली जात आहे. पुण्यातील महाराष्ट्र क्रिकेट असोसिएशन स्टेडियम, नवी मुंबईतील डीवाय पाटील स्टेडियम आणि मुंबईतील ब्रेबॉर्न स्टेडियम आणि वानखेडे स्टेडियम. यावेळी या सर्व स्टेडियममध्ये केवळ 25 टक्के प्रेक्षकांना परवानगी होती. आता तिकीट भागीदाराच्या अधिकृत प्रकाशनात म्हटले आहे की, "सामन्याच्या तिकिटांची विक्री ऑनलाइन उपलब्ध आहे, कारण बीसीसीआयने स्टेडियममधील प्रेक्षकांच्या संख्येत 50 टक्के वाढ करण्याची घोषणा केली आहे." पूर्वी ही संख्या 25 टक्क्यांपर्यंत मर्यादित होती.

थेट तिकीट विक्री

या तिकीट साइटने असेही घोषित केले आहे की आयपीएल 2022 च्या सामन्यांची फेज 2 विक्री त्यांच्या अधिकृत वेबसाइटवर थेट होणार आहे. पुण्यातील एमसीए स्टेडियमवर 6 एप्रिल रोजी होणाऱ्या कोलकाता नाईट रायडर्स आणि मुंबई इंडियन्स यांच्यातील सामन्यासाठी चाहत्यांना आता तिकीट बुक करता येणार आहे.

भारतीय क्रिकेट नियामक मंडळाने (BCCI) 23 मार्च रोजी सांगितले की IPL 2022 चेन्नई सुपर किंग्ज आणि कोलकाता नाइट रायडर्स यांच्यातील सलामीच्या सामन्यापासून स्टेडियममध्ये क्रिकेट चाहत्यांचे स्वागत केले आहे