IPL 2023: चेन्नई सुपर किंग्जचा (CSK) कर्णधार एमएस धोनी मैदानावर आपल्या शांत स्वभावासाठी ओळखला जातो. कधी-कधी 'कॅप्टन कूल' सामना सोडून इतर सहकारी खेळाडूंसोबत विनोद करतानाही दिसतो.

धोनीचा एक व्हिडिओ सोशल मीडियावर व्हायरल होत आहे. ज्यामध्ये तो दीपक चहरसोबत वेगळ्या पद्धतीने विनोद करत आहे.

वास्तविक, दीपक सीएसकेचा बॉलिंग कोच ड्वेन ब्राव्होशी काहीतरी बोलत असताना व्हिडिओमध्ये दिसत आहे. तेवढ्यातच धोनी त्याच्या जवळून जातो, मात्र तो त्याच्याकडे लक्ष देऊ शकला नाही.

अचानक धोनीला काय वाटलं की, त्याने दीपकची चेष्टा करण्यासाठी हात वर केला. धोनीने अचानक हात वर करताच चहर पहिल्यांदा घाबरला आणि नंतर हसायला लागला.

दरम्यान, एमएस धोनी 8 व्या क्रमांकावर फलंदाजीसाठी आला. त्याने शेवटच्या 2 षटकांमध्ये शानदार फटकेबाजी करत संघाला 167 धावांपर्यंत नेले. चेन्नई हा सामना त्यांच्या होम ग्राऊंडवर खेळत आहे, तो पाहण्यासाठी कॅप्टन कूलचे कुटुंबीयही उपस्थित आहे.

धोनीने 20 धावा केल्या

सामन्यात पहिल्यांदा फलंदाजी करताना CSK ने 20 षटकात 8 गडी गमावून 167 धावा केल्या. तरीही एकाही फलंदाजाला मोठी खेळी खेळता आली नाही.

धोनीने 9 चेंडूत 1 चौकार आणि 2 षटकार मारत 20 धावा केल्या. ऋतुराज गायकवाडने (Ruturaj Gaikwad) 24, डेव्हॉन कॉनवेने 10, अजिंक्य रहाणेने 21, शिवम दुबेने 25 आणि अंबाती रायडूने 23 धावा केल्या. रवींद्र जडेजाने 21 धावांचे योगदान दिले.