Women U19 WC 2023: भारतीय संघाने 19 वर्षांखालील महिला विश्वचषकाची धमाकेदार सुरुवात केली आहे. यजमान दक्षिण आफ्रिकेविरुद्धच्या पहिल्या सामन्यात कर्णधार शेफाली वर्मा आणि सलामीवीर श्वेता सेहरावत यांच्या झंझावाती खेळीच्या जोरावर दमदार विजय मिळवला. प्रथम फलंदाजी करताना दक्षिण आफ्रिकेच्या संघाने 5 गड्यांच्या मोबदल्यात 166 धावा केल्या होत्या. भारताने विजयाचे लक्ष्य 16.3 षटकांत 3 विकेटच्या मोबदल्यात पूर्ण केले.

(India beats South Africa)

कर्णधार शेफाली वर्माने श्वेता सेहरावतसोबत ७७ धावांची भागीदारी केली. अवघ्या 16 चेंडूत 9 चौकार आणि 1 षटकाराच्या मदतीने तिने 45 धावा ठोकल्या. तिच्या विकेटनंतर श्वेताने सूत्रे हाती घेतली. तिने फटकेबाजी करत धावगती कायम राखली.

शेफालीला अर्धशतक झळकावता आले नाही पण श्वेताने केवळ 37 चेंडूत 11 चौकारांच्या मदतीने अर्धशतक केले. अर्धशतक पूर्ण केल्यानंतर श्वेताने आणखी आक्रमक होत अवघ्या 57 चेंडूत 92 धावांची नाबाद खेळी करत 9 चौकारांसह संघाला विजयाकडे नेले.

तत्पुर्वी सायमन लॉरेन्सच्या धमाकेदार अर्धशतकी खेळीच्या जोरावर दक्षिण आफ्रिकेने 5 विकेट गमावत 165 धावा केल्या होत्या. 44 चेंडूंचा सामना करताना लॉरेन्सने 9 चौकार आणि 1 षटकार मारत 61 धावांची खेळी केली.

मॅडिसन लॅड्समनने 17 चेंडूत 32 धावा केल्या. याशिवाय इतर बॅटरना विशेष योगदान देता आले नाही. भारताची कर्णधार शेफाली वर्माने 4 षटकात 31 धावा देत 2 बळी घेतले. सोनम यादव आणि परशवी चोप्रा यांनी प्रत्येकी एक विकेट मिळवली.