Women's T20 World Cup, India vs Pakistan: भारतीय महिला क्रिकेट संघाला T20 विश्वचषकाच्या पहिल्या सामन्यापूर्वीच मोठा धक्का बसला आहे. संघाची उपकर्णधार स्मृती मानधना पाकिस्तानविरुद्धच्या महत्त्वाच्या सामन्यात सहभागी होऊ शकणार नाही.

स्मृती मानधना अद्याप बोटाच्या दुखापतीतून पूर्णपणे बरी झालेली नाही, ज्यामुळे ती रविवारी पाकिस्तानविरुद्धच्या महिला टी-20 विश्वचषकाच्या सलामीच्या सामन्यातून बाहेर पडेल.

क्षेत्ररक्षणादरम्यान स्मृती जखमी झाली

भारतीय महिला संघ टी-20 विश्वचषकातील आपल्या मोहिमेची सुरुवात पाकिस्तानविरुद्धच्या (Pakistan) सामन्याने करणार आहे. स्मृती मानधना या सामन्यात खेळू शकणार नाही.

26 वर्षीय मानधना या आठवड्याच्या सुरुवातीला ऑस्ट्रेलियाविरुद्धच्या सराव सामन्यादरम्यान क्षेत्ररक्षण करताना जखमी झाली होती. याच कारणामुळे ती बांगलादेशविरुद्धच्या दुसऱ्या सराव सामन्यातही खेळू शकली नाही.

प्रशिक्षकाने एक मोठी अपडेट दिली

पत्रकार परिषदेत प्रशिक्षक हृषिकेश कानिटकर म्हणाले की, 'स्मृतीच्या बोटाला दुखापत झाली असून ती अत्तापर्यंत बरी आहे. त्यामुळे तिच्या खेळण्याची शक्यता नाही. चांगली गोष्ट म्हणजे, तिच्या बोटात कोणतेही फ्रॅक्चर नाही आणि आम्हाला आशा आहे की, ती दुसऱ्या सामन्यापासून उपलब्ध होईल.'

हरमनप्रीत कौर पूर्णपणे तंदुरुस्त आहे

माजी भारतीय क्रिकेटपटू कानिटकर यांनी सांगितले की, 'वेस्ट इंडिज आणि दक्षिण आफ्रिकेविरुद्धच्या तिरंगी मालिकेदरम्यान कर्णधार हरमनप्रीत कौरला (Harmanpreet Kaur) झालेल्या खांद्याच्या दुखापतीतून ती पूर्णपणे बरी झाली आहे. ते पुढे म्हणाले की, 'हरमन खेळण्यासाठी फिट आहे. गेल्या दोन दिवसांत तिने नेटमध्ये सराव केला, ती पूर्णपणे फिट आहे.'