बर्मिंगहॅम येथे सुरू असलेल्या राष्ट्रकुल क्रीडा 2022 मध्ये, भारतीय महिला हॉकी संघांने आज कांस्यपदक आपल्या नावाने केलं आहे. या सामन्यात भारतासमोर न्यूझीलंडचे आव्हान होते आज भारतीय महिला संघाने शूटआऊटमध्ये न्यूझीलंडचा 2-1 ने पराभव करून कांस्यपदक जिंकले आणि सामना पूर्ण वेळेत 1-1 असा संपवला.

महिला हॉकी संघाने आश्चर्यकारक कामगिरी केली आहे. आज न्यूझीलंडविरुद्ध खेळल्या गेलेल्या कांस्यपदकाच्या सामन्यात भारताने बाजी मारली आहे. पूर्ण वेळेत सामना 1-1 असा बरोबरीत सुटला, पण पेनल्टी शूटआऊटमध्ये भारताने आश्चर्यकारक कामगिरी केली. कर्णधार सविता पुनियाचा जबरदस्त सेव्ह आणि सोनिका-नवनीतच्या गोलच्या जोरावर भारताने शूटआऊटमध्ये 2-1 असा विजय मिळवला. महिला हॉकी संघाने तब्बल 16 वर्षांनंतर राष्ट्रकुल स्पर्धेत कांस्यपदक जिंकले आहे.