India vs Sri Lanka T20 Series: भारतीय संघ नवीन वर्षाची सुरुवात श्रीलंकेविरुद्ध टी-20 मालिकेने करणार आहे. या मालिकेतील पहिला टी-20 सामना 3 जानेवारीपासून मुंबईत खेळवला जाणार आहे. यासाठी संघाची निवड करण्यात आली असून कर्णधारपद हार्दिक पांड्याकडे सोपवण्यात आले आहे. दरम्यान, एक खेळाडू असाही आहे, ज्याला प्लेइंग-11 मध्ये स्थान मिळणे कठीण जात आहे.

टी-20 मालिकेला 3 जानेवारीपासून सुरुवात होणार

भारत आणि श्रीलंका यांच्यातील तीन सामन्यांच्या टी-20 मालिकेला 3 जानेवारीपासून सुरुवात होणार आहे. पहिला सामना मुंबईच्या वानखेडे स्टेडियमवर होणार आहे. या मालिकेत अष्टपैलू हार्दिक पांड्या कर्णधार म्हणून महत्त्वाची भूमिका बजावणार आहे. वर्षातील पहिल्या मालिकेत टीम इंडियाला (Team India) विजय मिळवून देण्याची जबाबदारीही त्याच्यावर असेल.

हार्दिक पांड्यावर मोठी जबाबदारी

भविष्यातील टी-20 कर्णधार म्हणून आपले स्थान निश्चित करण्याची जबाबदारीही हार्दिक पांड्यावर (Hardik Pandya) असेल. अशा परिस्थितीत तो या तीन सामन्यांच्या मालिकेत प्रयोग करणे टाळेल. टी-20 मालिकेसाठी संघात अनेक युवा खेळाडूंची निवड झाली असली तरी अनुभवी क्रिकेटपटूंवर विश्वास ठेवण्यास हार्दिक मागे हटणार नाही. प्रयोग करुन यश मिळाले तर तो हार्दिकच्या कौतुकाचा विषय ठरेल.

भारत (संभाव्य प्लेइंग-11): ईशान किशन (यष्टीरक्षक), शुभमन गिल, सूर्यकुमार यादव, दीपक हुड्डा, हार्दिक पांड्या (कर्णधार), संजू सॅमसन, वॉशिंग्टन सुंदर, हर्षल पटेल, यजुवेंद्र चहल, अर्शदीप सिंग आणि उमरान मलिक