Team India PTI
क्रीडा

SA vs IND: टीम इंडियाची चिंता वाढली! अनुभवी गोलंदाजाला दुखापत, दुसऱ्या कसोटीत खेळण्यावरही प्रश्नचिन्ह

Shardul Thakur: दक्षिण आफ्रिकेविरुद्धच्या दुसऱ्या कसोटीआधी भारतीय संघाचा वेगवान गोलंदाज सरावादरम्यान दुखापतग्रस्त झाला आहे.

Pranali Kodre

India team faced injury scare ahead of 2nd Test against South Africa:

भारतीय क्रिकेट संघ सध्या दक्षिण आफ्रिका दौऱ्यावर आहे. या दौऱ्यात सध्या कसोटी मालिका सुरू आहे. या मालिकेतील पहिला सामना दक्षिण आफ्रिकेने डावाने जिंकला होता. त्यानंतर आता दुसरा सामना नवीन वर्षाच्या सुरुवातीला 3 ते 7 जानेवारी 2024 दरम्यान केपटाऊनला होणार आहे.

या सामन्यापूर्वी भारतीय संघाच्या चिंतेत वाढ झाली आहे. पीटीआयने भारताचा वेगवान गोलंदाज शार्दुल ठाकूरला सराव सत्रादरम्यान नेटमध्ये फलंदाजी करताना दुखापत झाली आहे. त्याच्या खांद्याला दुखापत झाली आहे.

दरम्यान, अद्याप त्याची दुखापत कितपत गंभीर आहे, याबद्दल माहिती देण्यात आलेली नाही. मात्र पीटीआयने दिलेल्या वृत्तानुसार तो केपटाऊनला होणाऱ्या कसोटी सामन्याला मुकण्याची शक्यता आहे.

दरम्यान, त्याला त्याच्या या दुखापतीमुळे सराव सत्रात गोलंदाजीही करता आली नाही. त्याला फलंदाजी प्रशिक्षक विक्रम राठोड थ्रोडाऊन करत असताना डाव्या खांद्याला दुखापत झाली.

शार्दुल सेंच्युरियनला झालेल्या पहिल्या कसोटीत भारतीय संघाच्या प्लेइंग इलेव्हनचा भाग होता. मात्र, त्याला या सामन्यात छाप पाडण्यात अपयश आले. त्याने या सामन्यात गोलंदाजी करताना 19 षटकात 101 धावा देताना 1 विकेट घेतली. तसेच त्याने फलंदाजी करताना पहिल्या डावात 24 आणि दुसऱ्या डावात 2 धावा केल्या.

भारतीय संघात आवेश खानचा समावेश

दरम्यान, काही दिवसांपूर्वीच दुसऱ्या कसोटीसाठी भारतीय संघात वेगवान गोलंदाज आवेश खानचा समावेश करण्यात आला आहे. त्याला मोहम्मद शमीच्या जागेवर संघात सामील केले आहे. तो पहिल्या कसोटीसाठी संघाचा भाग नव्हता.

आता जर शार्दुल दुसऱ्या कसोटी सामन्यात खेळू शकला नाही, तर आवेशला दुसऱ्या कसोटीत प्लेइंग इलेव्हनमध्ये खेळण्याची संधी मिळू शकते. याशिवाय मुकेश कुमारचा देखील भारतीय संघ व्यवस्थापनाकडे पर्याय आहे.

भारतासमोर मालिका वाचवण्याचे आव्हान

दक्षिण आफ्रिकेने पहिला कसोटी सामना जिंकला असल्याने त्यांनी दोन सामन्यांच्या मालिकेत 1-0 अशी आघाडी घेतली आहे. त्यामुळे भारताला मालिका जिंकण्याची संधी नाही.

मात्र भारतीय संघ दुसरा सामना जिंकून मालिका बरोबरीत सोडवू शकतात. दुसरा सामना जर भारतीय संघ पराभूत झाला किंवा अनिर्णित राहिला, तर दक्षिण आफ्रिका ही मालिका जिंकेल.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

आम्ही देशप्रेमी, तू देशद्रोही! गोव्यात आणखी एका सामाजिक कार्यकर्त्याला धमकी, BJP नेत्याने धमकीचा फोन केल्याचा आरोप

E-Waste: प्रत्येक नव्या खरेदीमागे जुन्या उपकरणांचा कचरा वाढतो, तोच ढीग गंभीर समस्या म्हणून उभा राहतो; ई-कचऱ्याचा विळखा

Super Cup: सुपर कपचा बिगुल! 25 ऑक्टोबरपासून रंगणार थरार; FC Goa समोर विजेतेपद राखण्याचे खडतर आव्हान

Goa Taxi: 'टॅक्‍सी ॲग्रीगेटर जबरदस्तीने लादणार नाही'! गुदिन्‍होंची हमी; सरकारकडे सुमारे 3500 सूचना, हरकती

Panaji: ‘बोर्डवॉक’ची पणजी महानगरपालिका दुरुस्ती करणार? 2 वर्षांपासून दुर्दशा; धोका असूनही नागरिकांचा वावर

SCROLL FOR NEXT