Washington Sundar  Dainik Gomantak
क्रीडा

IND vs NZ, 3rd ODI : वॉशिंग्टन सुंदरचे झुंजार अर्धशतक, भारताचे न्यूझीलंडला 220 धावांचे आव्हान

बुधवारी न्यूझीलंडविरुद्ध होत असेलेल्या तिसऱ्या वनडेत भारताने प्रथम फलंदाजी करताना यजमानांसमोर 220 धावांचे आव्हान ठेवले आहे.

Pranali Kodre

IND vs NZ, 3rd ODI : भारताच्या न्यूझीलंड दौऱ्यातील आणि वनडे मालिकेतील अखेरचा सामना बुधवारी होत आहे. या सामन्यात भारताने प्रथम फलंदाजी करताना यजमानांसमोर विजयासाठी 50 षटकात 220 धावांचे आव्हान ठेवले आहे.

ख्राईस्टचर्च येथे होत असलेल्या या सामन्यात न्यूझीलंडने नाणेफेक जिंकून भारताला प्रथम फलंदाजीसाठी पाचारण केले होते. भारताकडून शिखर धवन आणि शुभमन गिलने चांगली सुरुवात देण्याचा प्रयत्न केला होता. मात्र शुभमन 13 धावा करून बाद झाल्यानंतर भारतीय फलंदाजांनी नियमित अंतराने विकेट्स गमावण्यास सुरुवात केली.

दरम्यान, मधल्या षटकांमध्ये श्रेयस अय्यरने (Shreyas Iyer) डाव सांभाळला. पण, त्याला फारशी साथ कोणाची मिळाली नाही. ऋषत पंत 10 धावांवर आणि सूर्यकुमार यादव 6 धावा करून बाद झाले. तसेच अय्यरही 59 चेंडूत 49 धावा करून बाद झाला. पाठोपाठ दीपक हुडाही 8 धावांवर बाद झाला. त्यामुळे एका क्षणी भारताची अवस्था 6 बाद 149 धावा अशी झाली होती.

पण नंतर 7 व्या क्रमांकावर फलंदाजीला आलेल्या वॉशिंग्टन सुंदरने तळातली फलंदाजी सांभाळताना 64 चेंडूत 51 धावा केल्या. भारताकडून त्याच्याच रुपात अखेरची विकेट गेली. त्यामुळे भारताचा डाव 47.3 षटकात 229 धावातच संपुष्टात आला.

न्यूझीलंडकडून ऍडम मिलने आणि डॅरिल मिशेल यांनी प्रत्येकी ३ विकेट्स घेतल्या. तसेच टीम साऊदीने २ विकेट्स घेतल्या. तसेच लॉकी फर्ग्युसन आणि मिशेल सँटेनर यांनी प्रत्येकी 1 विकेट घेतली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Konkani Schools: ‘देवनागरी कोकणी’च्या शाळा सुरू करण्यास हरकत नाही! आमदारांनी पुढाकार घ्‍यावा, CM सावंत यांचे आवाहन

Goa Assembly Session: टॅक्सी व्यवसाय नींज गोयंकर यांच्या हातात राहिला पाहिजे

Goa Panchayat: पंचायत कर्मचाऱ्यांना 7वा वेतन आयोग, गुदिन्होंनी दिली माहिती; रेकॉर्ड पेपरलेस करण्याचा होणार प्रयत्न

विमान धावपट्टीवर पोहोचताच तांत्रिक बिघाड, प्रवाशांना उतरवून केली पुन्हा तपासणी; 'फ्लाय-91'मध्ये गोवा-पुणे प्रवाशांची गैरसोय

International Tiger Day: 2022 मध्ये गोव्यात 6 वाघ दिसले, पुढे काय..?

SCROLL FOR NEXT