एजबॅस्टन कसोटीचा शेवटचा दिवस दोन्ही संघांसाठी खूप महत्त्वाचा असणार आहे. टीम इंडियाची नजर मालिका विजयावर असणार आहे, तर दुसरीकडे इंग्लंड मालिकेत बरोबरी करण्याच्या इराद्याने मैदानात उतरणार आहे. या सगळ्या दरम्यान सोशल मीडियावर एक व्हिडिओ प्रचंड व्हायरल होत आहे. या व्हिडिओमध्ये अंपायर रिचर्ड केटलबरो आणि वेगवान गोलंदाज यांच्यात जोरदार वाद होत आहे.

सोशल मीडियावर व्हायरल होत असलेला व्हिडिओ या सामन्याच्या तिसऱ्या दिवसाचा आहे. इंग्लंडच्या पहिल्या डावात सॅम बिलिंग्ज आणि स्टुअर्ट ब्रॉड फलंदाजी करत होते. त्यानंतर स्टुअर्ट ब्रॉड पंच रिचर्ड केटलबरो यांच्यावर नाराज झाला आणि दोघांमध्ये वाद सुरू झाला.

स्टुअर्ट ब्रॉडसाठी हा सामना काही खास ठरला नाही. या सामन्यात त्याला केवळ 3 विकेट मिळाल्या. त्याचबरोबर या सामन्यात त्याने गोलंदाज म्हणून एक लाजिरवाणा विक्रमही केला. सामन्याच्या पहिल्या डावात टीम इंडियाचा कर्णधार जसप्रीत बुमराहने स्टुअर्ट ब्रॉडच्या एका षटकात 35 धावा दिल्या. कसोटी क्रिकेटच्या इतिहासातील हे सर्वात मोठे षटक आहे.