IND vs ENG 1st ODI: भारतीय संघ आजपासून इंग्लंडविरुद्धच्या तीन सामन्यांच्या वनडे मालिकेला सुरुवात करणार आहे. याआधी वनडे मालिकेत संघाने 2-1 असा विजय मिळवला होता. त्याचवेळी मालिकेतील पहिल्या सामन्यापूर्वी विराट कोहलीचा फिटनेस टीम इंडियासाठी चिंतेचा विषय आहे. विराट काही खास फॉर्ममध्ये नसला तरी त्याची क्षमता कोणीही नाकारू शकत नाही. सध्या कंबरेच्या दुखापतीमुळे विराट कोहली संघासोबत लंडनलाही गेला नसल्याची माहिती बीसीसीआयच्या सूत्रांकडून मिळाली आहे. अशा परिस्थितीत विराट नाही तर त्याची जागा कोण घेईल हा सर्वात मोठा प्रश्न उपस्थित जाला आहे.

दुसरीकडे, वनडे संघाबद्दल बोलायचे झाले तर शिखर धवन कर्णधार रोहित शर्मासोबत मैदानात उतरणार आहे. यानंतर तिसऱ्या क्रमांकावर विराटच्या अनुपस्थितीत शेवटच्या टी-20 सामन्यातील शतकवीर सूर्यकुमार यादवला पाठवले जाऊ शकते. त्याचबरोबर ऋषभ पंत काही काळापासून वनडेमध्ये चौथ्या क्रमांकावर खेळताना दिसत आहे. श्रेयस अय्यरला पुन्हा एकदा पाचव्या स्थानासाठी संधी मिळू शकते. वेगवान गोलंदाजीसमोर अय्यर संकटात सापडलेला दिसत असला तरी विराटच्या दुखापतीमुळे त्याला नक्कीच संधी मिळू शकते.

असे असले तरी डावखुरा फलंदाज इशान किशनही या जागेसाठी दावेदार ठरू शकतो. यानंतर प्रदीर्घ कालावधीनंतर वनडे फॉरमॅटमध्ये पुनरागमन करणारा हार्दिक पांड्या सहाव्या क्रमांकावर खेळणार आहे. स्टार अष्टपैलू रवींद्र जडेजा सातव्या क्रमांकावर फलंदाजीसाठी उतरेल. यानंतर 8व्या स्थानासाठी शार्दुल ठाकूर असू शकतो परंतु त्याच्या आणि प्रसिद्ध कृष्णा यांच्यापैकी एकाची निवड करावी लागेल. फलंदाजी जोरदार करायची असेल तर शार्दुलही मैदानात उतरू शकतो. अन्यथा बुमराह, शमी आणि कृष्णा हे तीन वेगवान गोलंदाज असतील. एकमेव फिरकीपटू म्हणून युझवेंद्र चहलचे खेळणे निश्चित मानले जाऊ शकते.

या दोन्ही संघातील संभाव्य प्लेइंग 11 आहेत

भारत: रोहित शर्मा (कर्णधार), शिखर धवन, इशान किशन, सूर्यकुमार यादव, हार्दिक पांड्या, ऋषभ पंत (विकेटकीपर), रवींद्र जडेजा, प्रशांत कृष्णा, मोहम्मद शमी, जसप्रीत बुमराह, युझवेंद्र चहल.