India vs Australia T20 Series 2023: भारत आणि ऑस्ट्रेलिया यांच्यातील पाच सामन्यांची टी-20 मालिका सुरु आहे. या मालिकेतील तीन सामने खेळले गेले असून चौथा सामना शुक्रवार 1 डिसेंबर रोजी रायपूर येथे होणार आहे.
तत्पूर्वी, मंगळवारी खेळल्या गेलेल्या तिसर्‍या सामन्यात ग्लेन मॅक्सवेलने झंझावाती शतक झळकावून मालिका अबाधित राखत संघाला विजयाकडे नेले. पण बुधवारी, चौथ्या सामन्यापूर्वी, मॅक्सवेलने एक एक्स पोस्ट केली, ज्यामुळे ऑस्ट्रेलियन चाहत्यांना धक्का बसला. तो घरी परतण्याबद्दल बोलला.
खरे तर, तिसर्‍या सामन्यापूर्वीच टी-20 मालिकेतील ऑस्ट्रेलियाच्या (Australia) संघातील बदलांची माहिती समोर आली होती. दरम्यान, अॅडम झाम्पा आणि स्टीव्ह स्मिथ हे दोघेही मायदेशी परतल्यामुळे तिसऱ्या सामन्यातून बाहेर पडले होते.
तिसर्‍या टी-20 नंतर संघातील इतर काही खेळाडूही मायदेशी परतणार असल्याची माहिती मिळाली आहे. त्यात त्याच खेळाडूंचा समावेश होता, जे विश्वचषकापासून सातत्याने खेळत होते आणि विश्वचषक विजेत्या संघाचाही भाग होते. या यादीत मार्कस स्टॉयनिस, शॉन अॅबॉट, ग्लेन मॅक्सवेल आणि जोश इंग्लिस यांची नावे होती.
दरम्यान, मालिकेत 2-1 ने पिछाडीवर असलेल्या ऑस्ट्रेलियन संघात बदल करण्यात आला आहे. सहा बडे खेळाडू मायदेशी परतल्यानंतर या संघात अनेक मोठे बदल झाले असून युवा खेळाडूंना संधी मिळाली आहे. अशा परिस्थितीत सूर्यकुमार यादवच्या (Suryakumar Yadav) नेतृत्वाखालील भारतीय संघाला मालिका जिंकण्याची संधी आहे.
या बड्या स्टार्सच्या जाण्याने कांगारुंचा संघ नक्कीच कमकुवत होईल. पण टीम इंडियाला सावधगिरी बाळगावी लागेल आणि मॅथ्यू वेडच्या नेतृत्वाखालील या युवा संघाला ते हलक्यात घेऊ शकत नाही. मालिकेतील चौथा सामना 1 डिसेंबरला आणि पाचवा सामना 3 डिसेंबरला होणार आहे.
मॅथ्यू वेड (कर्णधार), टीम डेव्हिड, ख्रिस ग्रीन, अॅरॉन हार्डी, ट्रॅव्हिस हेड, बेन मॅकडरमेट, जोश फिलिप, तन्वीर संघा, मॅथ्यू शॉर्ट, केन रिचर्डसन, जेसन बेहरनडॉर्फ, बेन ड्वार्शुइस, नॅथन एलिस.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.