आंतरराष्ट्रीय क्रिकेट परिषदेने ताजी ICC एकदिवसीय क्रमवारी जाहीर केली आहे. भारतीय संघाचे स्टार फलंदाज केएल राहुल आणि श्रेयस अय्यर यांना याचा फायदा झाला आहे. एकदिवसीय विश्वचषक 2023 नंतर, टीम इंडियाने दक्षिण आफ्रिकेविरुद्ध तीन सामन्यांची वनडे मालिका खेळली. या मालिकेत केएल राहुल टीम इंडियाचा कर्णधार होता. टीम इंडियाने मालिका 2-1 ने जिंकली होती. श्रेयस अय्यर दक्षिण आफ्रिकेविरुद्धच्या पहिल्या एकदिवसीय सामन्यात खेळला होता. त्यानंतर त्याने 52 धावांची खेळी करत टीम इंडियाच्या विजयात महत्त्वाची भूमिका बजावली होती, ज्याचा त्याला फायदा झाला आहे.
दरम्यान, श्रेयस अय्यर आयसीसी एकदिवसीय क्रमवारीत 689 रेटिंग गुणांसह 11व्या क्रमांकावर पोहोचला आहे. त्याचवेळी केएल राहुललाही एका अंकाचा फायदा झाला असून तो 666 रेटिंग गुणांसह 16व्या क्रमांकावर पोहोचला आहे. केएल राहुल आणि श्रेयस अय्यर हे टीम इंडियाच्या मधल्या फळीतील मजबूत खेळाडू आहेत. या दोन्ही खेळाडूंनी टीम इंडियासाठी अनेक सामने स्वबळावर जिंकले आहेत. या खेळाडूंनी 2023 च्या एकदिवसीय विश्वचषकातही संघासाठी महत्त्वपूर्ण योगदान दिले.
बाबर आझम आयसीसी एकदिवसीय क्रमवारीत फलंदाजांच्या क्रमवारीत पहिल्या क्रमांकावर आहे. त्याने आपली बादशाहत कायम ठेवली आहे. पाकिस्तानचा स्टार फलंदाज बाबरचे 824 रेटिंग गुण आहेत. शुभमन गिल दुसऱ्या क्रमांकावर आहे. त्याचे 801 रेटिंग गुण आहेत. विराट कोहली तिसऱ्या क्रमांकावर आहे. त्याचे 768 रेटिंग गुण आहेत. टीम इंडियाचा कर्णधार रोहित शर्मा 746 रेटिंग गुणांसह चौथ्या स्थानी आहे. ICC एकदिवसीय क्रमवारीत अव्वल 10 मध्ये तीन भारतीय खेळाडूंचा समावेश आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.