द्वितीय विभाग आय-लीग फुटबॉल स्पर्धेत एफसी गोवा व धेंपो स्पोर्टस क्लब या गोमंतकीय संघांची मोहीम बुधवारपासून (ता. 15) सुरू होईल. त्यांच्यातील पहिला सामना एला-जुने गोवे येथील धेंपो अकादमी मैदानावर खेळला जाईल.

एफसी गोवाने डेव्हलपमेंट संघात गोमंतकीय खेळाडूंना प्राधान्य दिले असून 29 पैकी 25 खेळाडू राज्यातील आहेत. ह्रतीक तिवारी, लेस्ली रिबेलो व एचपी लालरेमरुआता हे तिघे मुख्य संघातील आहेत.

एफसी गोवाच्या 17 वर्षांखालील संघातील प्रचित गावकर व साईश गावकर यांना डेव्हलपमेंट संघात बढती मिळाली आहे. डेगी कार्दोझ संघाचे मुख्य प्रशिक्षक, तर सुगितेश मांद्रेकर सहाय्यक प्रशिक्षक आहेत.

डेव्हलपमेंट संघातील खेळाडूंना व्यापक स्पर्धात्मक संधी मिळावी हा द्वितीय विभाग आय-लीग स्पर्धेत खेळण्याचा मुख्य उद्देश असल्याचे कार्दोझ यांनी सांगितले.

ड गटात एफसी गोवा व धेंपो क्लबसह अंबरनाथचा युनायटेड अटलांटा एफसी, अहमदाबादचा एआरए एफसी व हैदराबाद एफसी हे अन्य संघ आहेत.

एफसी गोवा संघ

गोलरक्षक : हॅन्सेल कुएल्हो, बॉब जॅकसन, ह्रतीक तिवारी, बचावपटू ः दिशांक कुंकळीकर, व्हर्स्ली पेस, लीवन कास्तान्हा, रायन रॉजर मिनेझिस, रीझव्हन फर्नांडिस, सलमान फारिस, डेल्झन पासान्हा, मनुशॉन फर्नांडिस, आदित्य साळगावकर, मलिकजान कालेगार, लेस्ली रिबेलो,

मध्यरक्षक : व्हेलिंग्टन फर्नांडिस, शेनॉन व्हिएगस, रायन मिनेझिस, अँथनी फर्नांडिस, माल्सॉमत्लुआंगा, प्रचित गावकर, एचपी लालरेमरुआता,

आघाडीपटू : व्हेलरॉय फर्नांडिस, जोव्हियल डायस, सेल्जिओ डायस, मेव्हन डायस, डेल्टन कुलासो, वसीम इनामदार, जॉर्डन बोर्जिस, साईश गावकर.