Aus Vs Ind: भारतीय महिला क्रिकेट संघाची उपकर्णधार हरमनप्रीत कौर आजपासून सुरू झालेल्या ऑस्ट्रेलियाविरुद्धच्या एकदिवसीय मालिकेत (Aus Vs Ind ODI Series) पहिल्या दोन सामन्यांना मुकणार. याविषयीची माहिती महिला क्रिकेट संघाचे मुख्य प्रशिक्षक रमेश पोवार (Coach Ramesh Powar) यांनी वर्चुअल प्रेस कॉन्फरन्स मध्ये बोलताना दिली.

हरमनप्रीत कौर (Harmanpreet Kour) हिला ऑस्ट्रेलिया दौऱ्यासाठी निवडले गेले होते. परंतु काही दिवसांपूर्वी तिच्या अंगठ्याला दुखापत झाल्याने ती खेळण्यासाठी फिट नसल्याचे जाहिर झाले. पहिल्या सामन्यानंतर हरमनप्रीतची पुन्हा एकदा फिटनेस टेस्ट घेण्यात येईल आणि त्यानंतर ती दुसऱ्या सामन्यासाठी उपलब्ध असेल किंवा नाही यावर अंतिम निर्णय घेण्यात येईल, प्रशिक्षक पोवार म्हणाले, शिखा पांडे (Shikha Pandey) सुद्धा आता फिट असल्याने तिचा पर्यायही उपलब्ध असेल.

भारतीय महिला क्रिकेट (Indian Women Cricket) संघ सध्या ऑस्ट्रेलिया दौऱ्यावर (Australia Tour) असून तिथे क्रिकेटच्या तिन्ही फॉरमॅटमध्ये सामने खेळणार आहे. ज्यामध्ये एकदिवसीय मालिका (ODI), एकमेव डे-नाईट (D/N Test) कसोटी सामना व तीन सामन्यांची T20 मालिका खेळेल