हार्दिक पंड्याच्या नेतृत्वाखालील गुजरात टायटन्स (GT) IPL 2022 च्या हंगामात चांगली कामगिरी करत आहे. गुजरात टायटन्स (GT) आतापर्यंत 9 सामन्यांपैकी 8 सामने जिंकून 16 गुणांसह गुणतालिकेत अव्वल स्थानावर आहे. गुजरात टायटन्सचा कर्णधार हार्दिक पंड्या पाठीच्या दुखापतीमुळे टीम इंडियातून बाहेर पडला. दुखापतीमुळे पंड्या गेल्या वर्षी UAE मध्ये झालेल्या T20 विश्वचषक स्पर्धेत सहभागी झाला नव्हता. त्या दुखापतीमुळे हार्दिक पंड्या अजूनही भारतीय संघाबाहेर आहे. पण सध्याच्या आयपीएल सीझनमध्ये पांड्या ज्याप्रकारे कामगिरी करत आहे, ते पाहता अनेक क्रिकेटपटूंना विश्वास आहे की तो ऑस्ट्रेलियात होणाऱ्या आगामी T20 मध्ये टीम इंडियाचा भाग असू शकतो. (Hardik Pandya reveals secret of Gujarat Titans performance)

दरम्यान, गुजरात टायटन्सचा कर्णधार हार्दिक पंड्याने मोठे वक्तव्य केले आहे. गुजरात टायटन्सच्या संघात कोणताही खेळाडू लहान किंवा मोठा नसतो,आमच्या संघातील सर्व खेळाडू समान आहेत. गुजरातच्या फलंदाजांव्यतिरिक्त गोलंदाजही सातत्यपूर्ण कामगिरी करत आहेत. याशिवाय राहुल तेवतिया, डेव्हिड मिलर आणि रशीद खान हे फलंदाज खालच्या क्रमाने सामना पूर्ण करत आहेत. शनिवारी रॉयल चॅलेंजर्स बंगळुरूला पराभूत करून संघाने प्ले-ऑफमधील आपले स्थान जवळपास निश्चित केले आहे.

रॉयल चॅलेंजर्स बंगळुरू (RCB) सोबतच्या सामन्यानंतर, हार्दिक पंड्या म्हणाला की एक व्यक्ती म्हणून मला फक्त माझा विकास करायचा नाही. मला माझ्या टीममेट्स किंवा माझ्या सभोवतालच्या लोकांसोबत पुढे जायला आवडते. सोबतच ते सर्व संघाच्या यशाचे कारण असल्याचे सांगितले.

तो पुढे म्हणाला की, आमच्या संघात एकही सीनियर ज्युनियर नाही. तो कर्णधाराइतकाच महत्त्वाचा आहे, असे संघातील सर्व खेळाडूंना वाटते. मी नव्या जबाबदारीचा आनंद घेत आहे. माझ्या आजूबाजूला चांगल्या माणसांचा समूह आहे. त्यामुळे आम्ही सातत्याने सामने जिंकत आहोत. मी यापेक्षा चांगल्या सुरुवातीची अपेक्षा करू शकत नाही.