Panjim News : श्रीपाद आणि अनुसया कामत तारकर स्मृती राज्यस्तरीय महिला बुद्धिबळ स्पर्धा-निवड चाचणीत गुंजल चोपडेकर हिने विजेतेपद पटकावले. तिने विजयी घोडदौड राखताना स्पर्धेतील सातही डाव जिंकले. स्पर्धा शनिवारी पणजीतील महालक्ष्मी देवस्थान सभागृहात झाली.

तिसवाडी तालुका बुद्धिबळ संघटनेने गोवा बुद्धिबळ अस्थायी समिती आणि महालक्ष्मी देवस्थान यांच्या सहकार्याने स्पर्धा घेतली.

अस्मिता रे उपविजेती ठरली. तिचे व वालंका फर्नांडिस यांचे समान सहा गुण झाले. टायब्रेकर गुणांत अस्मिताला दुसरा, तर वालंकाला तिसरा क्रमांक मिळाला. सयुरी नाईक, वैष्णवी परब, श्रीया पाटील, श्रीवल्ली गांधी, सय्यद मैझाह, सय्यद माहदिया, आर्या दाभोळकर यांना अनुक्रमे चौथा ते दहावा क्रमांक मिळाला.

वयोगटात (7 ते 13 वर्षांखालील) दृषा घोंगे, सिदोनिया दा कुन्हा, स्केयला रॉड्रिग्ज, समृथी मालकर, दिया सावळ, साईजा देसाई, वियोमी परब, तन्वी हडकोणकर, लिया सिल्वेरा यांना बक्षीस मिळाले.

स्पर्धेचे पुरस्कर्ते चैतन्य तारकर, महालक्ष्मी देवस्थानचे सचिव नारायण (भाऊ) मांद्रेकर, महेश कांदोळकर, दत्ताराम पिंगे, अरविंद म्हामल, आतिश नाईक, नरेश पेडणेकर, संदेश आमोणकर यांच्या उपस्थितीत बक्षीस वितरण झाले.