DC vs GG, WPL 2023: महिला प्रीमियर लीग 2023 च्या 14 व्या सामन्यात गुजरात जायंट्सने दिल्ली कॅपिटल्सचा 11 धावांनी पराभव केला. गुजरातचा स्पर्धेतील हा दुसरा विजय आहे, तर दिल्लीचा हा दुसरा पराभव आहे.

दरम्यान, लॉरा वोल्फर्टच्या दमदार अर्धशतकाच्या जोरावर गुजरातने प्रथम फलंदाजी करताना 20 षटकांत 4 गडी गमावून 147 धावा केल्या. गुजरातकडून लॉराने सर्वाधिक 57 धावा केल्या.

तिने आपल्या डावात 45 चेंडूंचा सामना केला आणि 6 चौकार आणि 1 षटकार लगावला. दिल्लीकडून जेस, रेड्डी आणि कॅपने प्रत्येकी एक विकेट घेतली. प्रत्युत्तरात दिल्लीचा संघ 18.4 षटकांत 136 धावांवर गारद झाला.

दुसरीकडे, गुजरात जायंट्सचा संघ महिला प्रीमियर लीगच्या पहिल्या सत्रात 4 सामने गमावल्यानंतर गुणतालिकेत शेवटच्या स्थानावर आहे, तर दिल्ली कॅपिटल्सचा (Delhi Capitals) संघ 5 पैकी 4 सामने जिंकून गुणतालिकेत दुसऱ्या क्रमांकावर आहे.

तसेच, स्पर्धेत पुढे जाण्यासाठी गुजरातसाठी पुढील सामने जिंकणे अत्यंत महत्त्वाचे आहे. या स्पर्धेत दिल्ली आणि गुजरात यापूर्वी एकदा भिडले आहेत, जिथे शफाली वर्माच्या (Shafali Verma) धडाकेबाज फलंदाजीमुळे दिल्ली कॅपिटल्सने 10 गडी राखून पराभव पत्करला होता.