Goa Under 19 Womens Cricket Team: महिलांच्या 19 वर्षांखालील एकदिवसीय क्रिकेट स्पर्धेत अष्टपैलू हर्षिता यादव गोव्याच्या संघाचे नेतृत्व करेल. ‘ब’ गटातील सामने ८ ते १६ ऑक्टोबर या कालावधीत आसाममधील गुवाहाटी येथे खेळले जातील.

गोवा क्रिकेट असोसिएशनने (जीसीए) स्पर्धेसाठी गुरुवारी 16 सदस्यीय संघ जाहीर केला. गोव्याच्या गटात ओडिशा, हिमाचल प्रदेश, गुजरात, कर्नाटक, मुंबई या संघांचा समावेश आहे.

गोव्याच्या संघात हर्षिता यादव (कर्णधार), रिया नाईक (उपकर्णधार), पलक आरोंदेकर, पूजा निषाद, निखिला नाईक, प्रेषा नाईक, सनिका धुरी, सिद्धी सवासे, आराधना सरोज, मृण्मयी भिके, अस्मी पालव, पूजा यादव, निधी गोवेकर, रिया मालवणकर, संचिता सैल, स्वराली कासकर यांचा समावेश आहे.

गोव्याचा पहिला सामना आठ ऑक्टोबरला ओडिशाविरुद्ध होईल. त्यानंतर अनुक्रमे हिमाचल प्रदेश (१० ऑक्टोबर), गुजरात (१२ ऑक्टोबर), कर्नाटक (१४ ऑक्टोबर), मुंबई (१६ ऑक्टोबर) या संघाविरुद्ध लढती होतील.