फुटबॉलसाठी (Football Tournament) गोव्याच्या तसेच जगात प्रसिद्ध असलेल्या शिवोलीत दर्जेदार क्रिडांगणाची गरज आहे (Quality Football Ground), या भागातील फुटबॉल खेळाडूंसाठी (Footballer from Siolim) उपलब्ध असलेले मैदान चर्च संस्थेकडून सहकार्य मिळाल्यास आधुनिक तंत्रज्ञान व यंत्रणांच्या (Modern Technology and System) साहाय्याने दर्जेदार बनवणे शक्य आहे. स्थानिक पंचायत आणि चर्च संस्थेचे सहकार्य लाभल्यास पर्राच्या धर्तीवर शिवोलीतील मैदान सुसज्ज बनवण्यासाठी आपण प्रयत्न करणार असल्याचे कळंगुटचे आमदार तथा मंत्री मायकल लोबो (Calangute MLA & Minister Michel Lobo) यांनी शिवोलीत सांगितले. शिवोली बॉयज आयोजित ऑल गोवा फुटबॉल (Siolim Boys Organised Football Tournament) सामन्याच्या शेवटच्या दिवशी विजेत्यांना बक्षिसे प्रदान करतेवेळी मंत्री लोबो बोलत होते. (Goa)

यावेळी मार्ना शिवोली पंचायतीचे उप सरपंच विलीयम फर्नांडिस, माजी सरपंच तथा विद्यमान पंच सदस्य सिल्वेस्टर फर्नांडिस, विघ्नेश चोडणकर, वायंगणकर, बाबुसो उर्फ दायलो वायंगणकर, गजानन तिळवे, आदी मान्यवर उपस्थित होते. यावेळी फुटबॉल स्पर्धेतील विनोद -107 (कोरगांव) यांना रोख तीस हजार आणी चषक तर उप-विजेत्या सिद्धीविनायक ओवळेश्वर ब्रदर्स संघास वीस हजार रुपये रोख आणी चषक मंत्री लोबो यांच्याहस्ते प्रदान करण्यात आला. बेस्ट गोलरक्षक विनोद आणी बेस्ट स्ट्रायकर श्रीधर यांनाही यावेळी वैयक्तिक बक्षिसाने गौरविण्यात आले.