Sail India Nationals : गोव्याची आंतरराष्ट्रीय सेलर कात्या कुएल्हो हिने आशियाई क्रीडा स्पर्धेतील पात्रता जवळपास निश्चित करताना भारतीय यॉटिंग संघटनेच्या सेल इंडिया स्पर्धेत महिलांच्या आयक्यू फॉईल प्रकारात सुवर्णपदक जिंकले. मंगळवारी मुंबईतील गिरगाव चौपाटी येथे स्पर्धेचा समारोप झाला.

आशियाई क्रीडा स्पर्धेसाठी मुंबईत झालेली स्पर्धा भारतीय सेलिंग संघ निवडीसाठी दुसरा टप्पा होता. या स्पर्धेत सहभागी झालेली गोव्याची आणखी महिला सेलर पर्ल कोलवाळकर हिला मुलींच्या आयएलसीए ४ प्रकारात रौप्यपदक मिळाले.

आशियाई क्रीडा स्पर्धेसाठी पात्रता मिळविण्यासाठी प्रयत्नशील असलेला डेन कुएल्हो याला मुंबईतील स्पर्धेत पुरुष गटात रौप्यपदक मिळाले. पात्रता फेरीचा तिसरा टप्पा फेब्रुवारीत मुंबईतच होईल.