badminton association 
क्रीडा

गोवा बॅडमिंटन संघटना बिनविरोध

किशोर पेटकर

पणजी

गोवा बॅडमिंटन संघटनेची २०२०-२४ कालावधीसाठी व्यवस्थापकीय समिती बिनविरोध ठरणार आहे. समितीच्या सर्व पदासाठी निवडणूक टळली असून निवडीवर १६ ऑगस्ट रोजी संघटनेच्या आमसभेत शिक्कामोर्तब होईल. अध्यक्षपदी नरहर ठाकूर, सचिवपदी संदीप हेबळे व खजिनदारपदी सर्फराज शेख यांची फेरनियुक्ती असेल.

संघटनेच्या १६ सदस्यीय व्यवस्थापकीय समितीच्या निवडणुकीसाठी उमेदवारी अर्ज स्वीकारण्याचा शुक्रवारी शेवटचा दिवस होता. पणजी रोटरी क्लबचे माजी अध्यक्ष मनोज पाटील निवडणूक अधिकारी असून आज शेवटच्या दिवशी त्यांच्याकडे १६ जागांसाठी तेवढेच अर्ज सादर करण्यात आले. त्यामुळे कार्यकारिणीची निवड बिनविरोध असेल.

मावळत्या व्यवस्थापकीय समितीतील १३ सदस्य आणखी एका कालावधीसाठी कार्यकारिणीवर असतील. अध्यक्षपदासाठी नरहर ठाकूर, सचिवपदासाठी संदीप हेबळे, खजिनदारपदासाठी सर्फराज शेख, चार उपाध्यक्षपदांसाठी अनिल पैंगीणकर, गौरीश धोंड, पीटर तेलिस व संदीप खांडेपारकर, संयुक्त सचिवपदासाठी वामन फळारी, तर संयुक्त खजिनदारपदासाठी लुसियान सुवारिस यांचे अर्ज दाखल झाले. सात सदस्यपदासाठी आग्नेल दा कुन्हा, डार्विन बार्रेटो, दीपक मयेकर, नीलेश नायक, पराग चौहान, संजय भोबे व वेन फर्नांडिस यांचे अर्ज आहेत.

नव्या व्यवस्थापकीय समितीत दीपक मयेकर, संजय भोबे, वेन फर्नांडिस व डार्विन बार्रेटो हे नवे चेहरे असतील. व्यवस्थापकीय समिती पदासाठी सादर करण्यात आलेल्या अर्जांची १० ऑगस्ट रोजी सकाळी साडेअकरा वाजता छाननी होईल. संघटनेची आमसभा १६ रोजी खांडेपार येथे होईल.

संपादन- अवित बगळे

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Omkar Elephant: तांबोशे झाले आता उगवे! 'ओंकार'मुळे शेतकरी त्रस्त; भातशेती, केळी, पोफळीचे मोठ्या प्रमाणावर नुकसान

Goa Politics: '2027 मध्ये भाजपचे 27 आमदार येणारच'! मुख्यमंत्र्यांचा ठाम विश्वास; तेंडुलकरांचे केले कौतुक

Goa Tourist: हुर्रे! 6 महिन्यांत 5.45 लाख पर्यटक; नव्या फ्लाईट्स, क्रूझमुळे फुलले पर्यटन

Goa Live Updates: कोलव्यात क्लिनिकला आग

Goa Tourism: बाईक रेंट कमी, शॅक उभारणी! गोव्‍यासमोर महाराष्‍ट्र, कर्नाटकचे आव्‍हान; पर्यटनक्षेत्रात वाढली स्पर्धा

SCROLL FOR NEXT