Novak Djokovic Wins French Open 2023: फ्रेंच ओपनच्या अंतिम फेरीत जोकोविचने (Novak Djokovic French Open 2023) नॉर्वेच्या कॅस्पर रुडचा पराभव करुन फ्रेंच ओपनचे विजेतेपद जिंकले.

36 वर्षीय जोकोविच सर्वाधिक एकेरी ग्रँडस्लॅम जेतेपदे जिंकणारा टेनिसपटू ठरला आहे. विशेष म्हणजे, त्याने 23 वे ग्रॅंडस्लॅम जिंकले.

दरम्यान, जोकोविचने स्पॅनिश खेळाडू राफेल नदालला (22 ग्रँडस्लॅम) मागे टाकले आहे. अंतिम सामन्यात जोकोविचने कॅस्पर रुडचा 7-6, 6-3, 7-5 असा पराभव करत तिसऱ्यांदा फ्रेंच ओपनचे विजेतेपद पटकावले. आता सर्वाधिक ग्रँडस्लॅम जिंकण्याचा विक्रम नोव्हाकच्या नावावर आहे.

यापूर्वी, हा विक्रम राफेल नदालच्या नावावर होता. नदालने 22 ग्रँडस्लॅम जिंकण्याचा विक्रम केला. यानंतर रॉजर फेडरर (Roger Federer) तिसऱ्या क्रमांकावर आहे, ज्याने 20 ग्रँडस्लॅम जिंकले आहेत.

अनुभवी जोकोविचने आतापर्यंत आपल्या कारकिर्दीत 10 वेळा ऑस्ट्रेलियन ओपनचे विजेतेपद, 7 वेळा विम्बल्डनचे जेतेपद पटकावण्यात यश मिळवले आहे. तर फ्रेंच ओपन आणि यूएस ओपनचे जेतेपद 3-3 वेळा जिंकण्यात तो यशस्वी ठरला आहे.