फुटबॉल चाहत्यांसाठी आनंदाची बातमी! फिफा विश्वचषक २०२६ ची आजपासून सुरुवात होत आहे. ४८ संघांचा सहभाग असलेला हा आतापर्यंतचा सर्वात मोठा विश्वचषक असून, याची उत्सुकता शिगेला पोहोचली आहे. भारतात राहणारे फुटबॉल प्रेमी हे सामने कुठे आणि कसे पाहू शकतात, याची सविस्तर माहिती येथे दिलीय.
भारतात फीफा विश्वचषक २०२६ चे अधिकृत ब्रॉडकास्टर 'यूनाइट८ स्पोर्ट्स' (Unite8 Sports) नेटवर्क आहे. हिंदी भाषेत सामन्यांचा आनंद घेण्यासाठी 'यूनाइट८ स्पोर्ट्स १' आणि 'यूनाइट८ स्पोर्ट्स १ एचडी' हे चॅनेल उपलब्ध असतील, तर इंग्रजी समालोचनासाठी 'यूनाइट८ स्पोर्ट्स २' आणि 'यूनाइट८ स्पोर्ट्स २ एचडी' हे चॅनेल पाहता येतील.
ज्यांना टीव्हीऐवजी मोबाईल किंवा लॅपटॉपवर सामने पाहायचे आहेत, त्यांच्यासाठी 'जी५' (ZEE5) हे अधिकृत डिजिटल प्लॅटफॉर्म आहे. या ॲपवर प्रेक्षक सामन्यांचे थेट प्रक्षेपण पाहू शकतात.
जर तुम्हाला हे सामने मोफत पाहायचे असतील, तर तुमच्यासाठी 'डीडी स्पोर्ट्स' (DD Sports) हा सर्वोत्तम पर्याय आहे. डीडी स्पोर्ट्सने काही निवडक सामन्यांचे हक्क मिळवले आहेत. यामध्ये विश्वचषकाचा सलामीचा सामना (मेक्सिको विरुद्ध दक्षिण आफ्रिका), सर्व क्वार्टर फायनल, दोन्ही उपांत्य फेरीचे (सेमीफाइनल) सामने आणि महाअंतिम सामना (फायनल) मोफत पाहता येणार आहेत.
सामन्यांची रंगत वाढवण्यासाठी विविध भाषांमध्ये दिग्गजांचे समालोचन ऐकायला मिळणार आहे. यामध्ये इंग्रजीसाठी इगोर स्टिमक, बाईचुंग भूटिया, तर हिंदीसाठी गुरप्रीत सिंह संधू, आदिती चौहान आणि साहिल खट्टर यांसारखे लोकप्रिय चेहरे समालोचन करताना दिसतील. याशिवाय, मल्याळम आणि बांग्ला भाषेतही स्थानिक दिग्गज खेळाडू प्रेक्षकांना फुटबॉलच्या बारीकसारीक गोष्टी समजावून सांगतील.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.